Daily Systematic Metro EPaper News National and International Political Sports Religion
اہم خبریںپاکستان

ن لیگ کے صدر کا انتخاب، نواز شریف کے مقابلے میں 10 امیدوار سامنے آگئے

پاکستان مسلم لیگ ن کی صدارت کے لیے الیکشن آج منعقد کیا جارہا ہے، پارٹی قائد نواز شریف سمیت 10 لیگی رہنما پارتی صدارت کے لیے امیدوار کے طور پر سامنے آگئے ہیں۔

لیگی ذرائع کے مطابق پارٹی صدر کے انتخاب کے لیے مسلم لیگ ن کی جنرل کونسل کا اجلاس (آج) منگل کو طلب کر لیا گیا ہے۔ ن لیگ کے الیکشن کمشن کی سربراہی رانا ثناء اللہ کریں گے جبکہ اقبال ظفر جھگڑا، عشرت اشرف، جمال شاہ کاکڑ اور کھیل داس کوہستانی الیکشن کمشن کے ارکان میں شامل ہیں۔

پارٹی صدر کے الیکشن کے لیے کاغذات نامزدگی کی جانچ پڑتال 28 مئی کی دوپہر 1 تا 2 بجے ہوگی جبکہ سہ پہر4 بجے ن لیگ کی مرکزی جنرل کونسل نئے صدر کا انتخاب کرے گی۔

نواز شریف کے مقابلے میں 10 امیدواروں کی طرف سے کاغذات نامزدگی جمع کرائے گئے ہیں۔ کاغذات حاصل کرنے والوں میں بشیر میمن، عرفان صدیقی، اسحاق ڈار، راجا محمد فاروق، حافظ حفیظ الرحمنٰ، شاہ اور غلام قادر شامل ہیں۔

اس حوالے سے پارٹی الیکشن کے چیف الیکشن کمشنر رانا ثناء اللّٰہ کا پریس کانفرنس کرتے ہوئے کہنا تھا کہ قائد اعظم کے بعد نواز شریف نے مسلم لیگ کو سب سے زیادہ مقبول اور عوامی جماعت بنایا۔

رانا ثناء اللہ کا کہنا تھا کہ انہوں نے کہا کہ نوازشریف کسی سے روٹھے ہوئے نہیں ہيں، بلکہ متحرک کردار ادا کررہے ہیں۔ ن لیگ سے مراد نواز شریف ہے، پارٹی مکمل طور پر نواز شریف کے نام پر متفق ہے تو کوئی اچنبھے کی بات نہیں۔

انہوں نے مزید کہا کہ شاہد خاقان عباسی بھی صدارت کے لیے کاغذات جمع کراسکتے ہیں۔ نواز شریف کے بعد پارٹی اگر کسی شخصیت پر متفق ہے تو وہ شہباز شریف ہیں۔

Related posts

پی سی بی کی ڈائریکٹر اسپورٹس عالیہ رشید نے استعفیٰ دے دیا

Mobeera Fatima

وزیر داخلہ سندھ کا اسٹریٹ کرائم پر بیان، ایم کیو ایم رہنماؤں نے آڑے ہاتھوں لے لیا

Mobeera Fatima

ڈالر مہنگا ہو گیا ، اسٹاک ایکسچینج میں استحکام برقرار

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy