Daily Systematic Metro EPaper News National and International Political Sports Religion
اہم خبریںپاکستان

خیبر پختونخوا میں بارشیں ، چھتیں گرنے اور سیلابی ریلوں میں بہہ جانے سے 14 افراد جاں بحق

خیبر پختونخوا کے مختلف شہروں میں بارشوں کے نتیجے میں حادثات کے دوران 14 افراد جاں بحق ہو گئے۔

ریسکیو ذرائع کے مطابق لوئر دیرکے علاقے لقمان بانڈا میں بارش کی وجہ سے بوسیدہ مکان کی چھت گرنے سے 6 افراد ملبے تلے دب کر جاں بحق ہو گئے۔

ایک اور واقعے میں مکان کی چھت گرنے سے 2 بچے زندگی کی بازی ہار گئے۔ لوئر تالاش شمشی خان میں برساتی نالے میں مسافر وین بہہ جانے سے 2 افراد لاپتہ ہو گئے۔

ضلع خیبر میں مکان کی چھت گرنے سے 2 خواتین اور 2 بچیاں جاں بحق جبکہ 5 افراد زخمی ہوگئے۔ اس کے علاوہ ٹانک میں سیلابی ریلے میں مسافر وین بہہ جانے سے 2 افراد جاں بحق ہو گئے۔

دوسری جانب پشاور میں بارشوں کے بعد نالے ابل پڑے جس سے  نشیبی علاقے زیر آب آ گئے، چارسدہ روڈ، بڈھنی اور وارسک روڈ پر  پانی گھروں میں داخل ہو گیا، خیبر پختونخوا میں اگلے چند روز میں مزید بارشوں کا امکان ہے۔

  پی ڈی ایم اے کے مطابق وزیراعلیٰ کی ہدایات پر بارش متاثرین کو امدادی چیک دیئے جارہے ہیں اور متاثرین کو امدادی سامان بھی فراہم کر دیا گیا ہے۔

Related posts

توانائی کی پیداوار بڑھانے کی ضرورت، بجلی 50 فیصد سستی ہوسکتی ہے، مصدق ملک

Mobeera Fatima

ڈالر مزید سستا ، اسٹاک ایکسچینج میں تیزی کا رجحان برقرار

Mobeera Fatima

وزیر اعظم کی افواجِ پاکستان کے سربراہان کو عید الفطر کی مبارکباد

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy