Daily Systematic Metro EPaper News National and International Political Sports Religion
اہم خبریںپاکستان

سرمایہ کاری کیلئے اقدامات، ہم سعودی عرب سے مدد کے بجائے ترقی کی بات کررہے ہیں،مصدق ملک

وفاقی وزیر پیٹرولیم مصدق ملک نے کہا ہے کہ سرمایہ کاری کےلیے اقدامات کیے جارہے ہیں، سعودی عرب ، متحدہ عرب امارات اور چین ہر مشکل وقت میں پاکستان کیساتھ ہوتے ہیں۔

مصدق ملک نے اپنے ایک بیان میں کہا کہ ہم سعودی عرب سے مدد کے بجائے ترقی کی بات کررہے ہیں، سعودی عرب سے کاروباری وفد پاکستان آ رہا ہے، عوام کو سعودی سرمایہ کاری سے متعلق آگاہ کیا جائے گا، اس کیلئے پاکستان کی 76 کاروباری کمپنیوں کو شارٹ لسٹ کر لیا گیا ہے جس میں سعودی عرب سے بھی 30 کے قریب کمپنیاں ہوں گی۔

انہوں نے کہا کہ حکومتی سطح پر پیٹرولیم، بجلی اور آئل ریفائننگ کے شعبوں پر بات کی جائے گی ، ہمارا مقصد بیروزگاری کا خاتمہ ہے ، ہم نوجوانوں کیلئے روزگار کے مواقع پیدا کرنے کی کوشش کر رہے ہیں، وزیراعظم نےملازمتوں سے متعلق ایک لائحہ عمل طے کر لیا ہے۔

وفاقی وزیر کا کہنا تھا کہ ہم نے ملکی زرمبادلہ کے ذخائر مستحکم کرنے اور ملکی معیشت کو پاؤں پر کھڑا کرنا ہے ، ہم عوام کو روزگارکی فراہمی کیلئے ترقی کی شرح کو بڑھانا ہے، اس وقت ہماری درآمدات اور برآمدات عدم توازن کے باعث معیشت نیچے جارہی ہے۔

انکا مزید کہنا تھا کہ ہم چاہتے ہیں پولرائزیشن میں کمی لائیں اور ملکی مسائل کو بات چیت کے ذریعے حل کریں۔

Related posts

پاک سوزوکی کمپنی کا نئی گاڑیاں متعارف کرانے کا اعلان

Mobeera Fatima

سونم باجوہ بھی نسیم شاہ کی مداح ہوگئیں

Mobeera Fatima

آئی سی سی ٹی ٹوئنٹی بیٹرز رینکنگ جاری

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy