Daily Systematic Metro EPaper News National and International Political Sports Religion
اہم خبریںپاکستان

علی رضا عابدی قتل کیس،4مجرموں کو عمر قید

 ایم کیو ایم کے رہنماعلی رضا عابدی قتل کیس کا فیصلہ سنادیا گیا ہے۔

اے ٹی سی کراچی نے 4مجرموں کو عمر قید کی سزا سنادی،عدالت نے دہشت گردی ایکٹ کے تحت بھی عمر قید کی سزا سنائی۔

اے ٹی سی کراچی نے مجرموں پر ایک ایک لاکھ روپے جرمانہ بھی عائد کردیا،عدالت  نے مفرور ملزمان کے خلاف کیس داخل دفتر کردیا،ملزمان کیخلاف دہشت گردی ایکٹ اور قتل کی دفعات کے تحت مقدمہ درج ہے۔

یاد رہے 25 دسمبر 2018 کو کراچی میں متحدہ قومی موومنٹ (ایم کیو ایم) پاکستان سے تعلق رکھنے والے سابق رکن قومی اسمبلی علی رضا عابدی قاتلانہ حملے میں جاں بحق ہوگئے تھے۔

اس وقت کے ڈی آئی جی ساؤتھ جاویدعالم اوڈھو کے مطابق علی رضا عابدی کو ڈیفنس میں ان کے گھر کے باہر موٹر سائیکل سوار دو ملزمان نے نشانہ بنایا، انہیں پی این ایس شفاء منتقل کیا گیا ہے تاہم وہ دوران علاج دم توڑ گئے۔

علی رضا کو گردن اور سر میں تین گولیاں لگیں۔حملہ موٹر سائیکل سوار دو ملزموں نے کیا جنہوں نے نے کیپ لگا رکھے تھے اور ٹارگٹ کلنگ کے ماہر تھے۔

حملہ آور علی رضا عابدی کا تعاقب کرتے ہوئے گھر تک آئے، گھر کے دروازے پر پہنچتے ہی ڈرائیونگ سائیڈ سے فائرنگ کی گئی۔

Related posts

28 مئی یوم تکبیرپر سرکاری چھٹی کا اعلان

Mobeera Fatima

پنجاب کا کینسر کا پہلا سرکاری اسپتال 240بستروں پر مشتمل ہوگا، وزیر صحت پنجاب

Mobeera Fatima

اسرائیلی جہاز پر کوئی پاکستانی موجود ہے تو برادرانہ تعلقات پر چھوڑ دینگے ، ایران

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy