Daily Systematic Metro EPaper News National and International Political Sports Religion
اہم خبریںسائنس اور ٹیکنالوجی

ایپل کا آن لائن ایونٹ کے انعقاد کا اعلان

ٹیکنالوجی کمپنی ایپل نے آئندہ ماہ مئی کی 7 تاریخ کو ایک آن لائن ایونٹ میں نئی پروڈکٹ لانچ کرانے کا اعلان کر دیا۔

غیرملکی خبررساں ادارے کے مطابق ذرائع ابلاغ کو جاری کیے جانے والے دعوت نامے کے مطابق لیٹ لوز ٹیگ لائن کی یہ تقریب کمپنی کی ویب سائٹ پر مشرقی وقت کے مطابق صبح 10 بجے لائیو اسٹریم کی جائے گی۔

ایپل کے لانچ ایونٹ عموما پہلے سے ریکارڈ شدہ ہوتے ہیں،2023 میں کوئی نیا ماڈل متعارف نہ کرانے کے بعد اب آئندہ ایونٹ میں نئے آئی پیڈز کی ریلیز متوقع ہے۔

کمپنی کی جانب سے دیے گئے دعوت نامے پر ایپل پینسل دکھائی گئی ہے جو کمپنی کا آئی پیڈ اسٹائلس ہے، کمپنی ممکنہ طور پر اپنے ہائی اینڈ آئی پیڈ پرو کے اپ گریڈ کے ساتھ بڑا آئی پیڈ ایئر جاری کرنے جارہی ہے۔

بعض اوقات ایپل اس عرصے (مارچ تا مئی)میں عموما آئی فونز، ایپل واچز اور ایسیسریز کے لیے نئے رنگ متعارف کراتا ہے، آخری بار کمپنی کی جانب سے مارچ 2022 میں یہ ایونٹ منعقد کرایا گیا تھا جس میں آئی پیڈ ایئر اور ایک لوئر اینڈ آئی فون کا اعلان کیا گیا تھا۔

ایپل کی جانب سے رواں برس، عین ممکن ہے جون میں منعقد کی جانے والی ورلڈ وائڈ ڈیویلپرز کانفرنس میں مصنوعی ذہانت کے متعلق اہم اعلانات متوقع ہیں۔

Related posts

پٹرول 8 ، ڈیزل 2 روپے مہنگا ہونے کا امکان

Mobeera Fatima

ساہیوال ، آتشزدگی سے ٹیچنگ اسپتال کا چلڈرن وارڈ اور سامان جل گیا ، بچے ایمرجنسی منتقل

Mobeera Fatima

فواد چوہدری پریشان لگ رہے ہیں ، سکون سے رہیں ، عدالت سرکاری وکیل سے سرگوشی پر برہم

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy