Daily Systematic Metro EPaper News National and International Political Sports Religion
اہم خبریںسائنس اور ٹیکنالوجی

ایپل کا آئی او ایس 17.5 ورژن جلد متعارف کرانے کا اعلان

ٹیکنالوجی کمپنی ایپل نے آئی فون صارفین کے لیے آئی او ایس 17.5 کا پہلا بِیٹا ورژن جلد متعارف کرانے کا اعلان کر دیا۔

کمپنی کی جانب سے آئندہ جاری کی جانے والی سافٹ ویئر اپ ڈیٹ میں بڑی تبدیلیاں متوقع ہیں۔

غیر ملکی میڈیا مطابق آئی او ایس 17.5 اپ ڈیٹ کے بعد یورپی یونین کے آئی فون صارفین اہل ڈیویلپرز کی ویب سائٹ سے براہ راست ایپس کو ڈاؤن لوڈ کر سکیں گے۔
اس کے علاوہ ایپل پوڈکاسٹ میں ٹرانسکرپٹ، چوری شدہ ڈیوائس کی حفاظت میں بہتری اور سری سمیت کئی اپ ڈیٹس شامل ہوں گی۔

ایپل کے مطابق اس نئے ویب ڈسٹریبیوشن فیچر کی آمد رواں موسم بہار میں آئی فون سافٹ ویئر اپ ڈیٹ (جو کہ ممکنہ طور پر آئی او ایس 17.5 کی جانب اشارہ ہے) کے ساتھ کسی بھی وقت متوقع ہے، تاہم،ویب ڈسٹریبیوشن یورپی یونین میں بڑے ڈیویلپرز تک ہی محدود ہوگی۔

ایپ کے مطابق ویب ڈسٹریبیوشن کا حصہ بننے کے لیے ڈیویلپرز کو ایپل ڈیویلپر پروگرام کا دو یا اس سے زیادہ عرصے سے حصہ ہونا لازمی ہوگا اور ان کی ایپ کو گزشتہ برس کے دوران یورپی یونین کی حدود میں آئی او ایس ڈیوائسز پر 10 لاکھ سے زائد بار انسٹال ہونا ہوگا۔

ویب ڈسٹریبیوشن کی بنیاد در اصل متبادل ایپ مارکیٹ پلیسز ہے جو ایپل آئی او ایس 17.4 میں یورپی یونین کے آئی فون صارفین کے لیے پہلے ہی متعارف کرا چکا ہے۔ ایپل کی جانب سے یہ تبدیلیاں یورپی یونین کے متعارف کردہ نئے ڈیجیٹل مارکیٹس ایکٹ پر عمل درآمد کرنے کے لیے کی گئی ہیں۔

Related posts

اپیلیں منظور،سابق چیئرمین پی ٹی آئی اور شاہ محمودقریشی سائفرکیس میں بری

Mobeera Fatima

کرکٹ کے بعد ہاکی میں بھی غیرملکی کوچ لانے کا فیصلہ

Mobeera Fatima

خیبرپختونخوا میں طوفانی بارشوں سے جاں بحق افراد کی تعداد 36 ہو گئی،46 زخمی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy