Daily Systematic Metro EPaper News National and International Political Sports Religion
اہم خبریںپاکستان

آرمی چیف جنرل سید عاصم منیر سے آذربائیجان کے وزیر خارجہ کی ملاقات

آرمی چیف جنرل سید عاصم منیر اور آذربائیجان کے وزیر خارجہ کے درمیان ملاقات ہوئی جس میں باہمی دلچسپی کے امور پر تبادلہ خیال کیا گیا۔

پاک فوج کے شعبہ تعلقات عامہ (آئی ایس پی آر) کے مطابق آذربائیجان کے وزیر خارجہ نے جی ایچ کیو میں آرمی چیف جنرل سید عاصم منیر سے ملاقات کی۔ ملاقات میں باہمی دلچسپی کے امور، علاقائی امن اور استحکام سے متعلق امور پر تبادلہ خیال ہوا۔

آئی ایس پی آر کا کہنا ہے کہ آرمی چیف نے آذربائیجان کے ساتھ پاکستان کے دیرینہ برادرانہ تعلقات کو مزید فروغ دینے پر زور دیا۔ آرمی چیف نے آذربائیجان کی مسلح افواج کی مثالی پیشہ ورانہ مہارت اور بہادری کی تعریف بھی کی۔

ترجمان پاک فوج نے بتایا کہ اس موقع پر آذربائیجان کے لیے مسلسل حمایت پر وزیر خارجہ نے پاکستان کی تعریف کی۔ آذربائیجان کے وزیر خارجہ نے علاقائی استحکام کو برقرار رکھنے میں پاکستان کے کردار کا اعتراف بھی کیا۔

آئی ایس پی آر نے مزید بتایا کہ آرمی چیف جنرل سید عاصم منیر نے اس موقع پر گفتگو کرتے ہوئے کہا کہ پاکستان سیکیورٹی اور دفاع کے شعبہ میں مکمل تعاون جاری رکھے گا۔

Related posts

وادی نیلم کے بالائی علاقوں میں برف باری کا سلسلہ جاری،سردی بڑھ گئی

Mobeera Fatima

پاکستان سمیت دنیا بھرمیں ملیریا کا عالمی دن 25 اپریل کومنایا جائے گا

Mobeera Fatima

ملک میں سیمنٹ کی ریٹیل قیمتوں میں مزید کمی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy