Daily Systematic Metro EPaper News National and International Political Sports Religion
اہم خبریںتعلیم

اسٹوڈنٹ ایکسچینج پروگرام لا رہے ہیں، طلبہ کو فارن سکالرشپ پر بھیجیں گے،وزیر تعلیم پنجاب

وزیر تعلیم پنجاب رانا سکندر حیات نے کہا ہے کہ فی میل گریجویٹس کو خودمختار بنانے کے لئے جدید سکلز اور آئی ٹی کی مہارت سکھائیں گے،انہوں نے اسٹوڈنٹ ایکسچینج پروگرام لانے اور طلبہ کو فارن سکالرشپ پر بھیجنے کا بھی اعلان کر دیا۔

ان کا کہنا تھا کہ ایسی تعلیمی پالیسی لائیں گے کہ نجی تعلیمی اداروں کے طلباء سرکاری تعلیمی اداروں میں داخلہ لینے کی خواہش کا اظہار کریں گے، پنجاب کے تعلیمی اداروں کو آئندہ 5 سالوں میں اس لیول پر لے جائیں گے کہ بین الاقوامی جریدے بھی اس تعلیمی انقلاب کا ذکر کرنے پر مجبور ہوں گے۔

گورنمنٹ ایم اے او کالج کے کانووکیشن سے خطاب کرتے ہوئے ان کا کہنا تھا کہ طلبہ کیلئے اسٹوڈنٹ ایکسچینج پروگرام لا رہے ہیں، اس ضمن میں بیشتر ممالک کی یونیورسٹیوں سے ایم او یو کرنے جا رہے ہیں۔

وزیر تعلیم نے کہا کہ اگلے سال سے پبلک سیکٹر کے تعلیمی اداروں کے ایک ہزار طلبہ و طالبات کو فارن سکالرشپ پر بھیجیں گے، انہوں نے کہا کہ طلبہ اور اساتذہ کے ساتھ مل کر تعلیمی انقلاب لائیں گے، کرپشن اور ہراسمنٹ پر زیرو ٹالیرنس پالیسی ہوگی اور میرٹ کو ہی ترجیح دی جائے گی۔

رانا سکندر حیات نے مزید کہا کہ تعلیمی اداروں کو وسائل سے آراستہ کرنے کے ساتھ ساتھ دوپہر اور شام کے اوقات میں بھی کلاسوں کا آغاز کرنے جا رہے ہیں جس سے تعلیمی شرح بڑھے گی اور آؤٹ آف سکول بچوں کی تعداد میں بھی کمی آئے گی۔ ان کا کہنا تھا کہ آنے والی تعلیمی اصلاحات معیار تعلیم کے ساتھ ساتھ تعلیمی نظام کی بہتری میں بھی معاون ثابت ہوں گی۔

Related posts

25تا29 اپریل ملک کے مختلف حصوں میں بارش متوقع

Mobeera Fatima

امریکی پولیس کی خاتون کا اسکارف زبردستی اُتارنے کی ویڈیو سامنے آگئی

Mobeera Fatima

سعودی عالم ڈاکٹر محمد بن عبدالکریم العیسیٰ فیصل مسجد میں نماز عید کی امامت کریں گے

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy