Daily Systematic Metro EPaper News National and International Political Sports Religion
اہم خبریںپاکستان

بجٹ 2024-25، آئی ایم ایف معاون ٹیم پاکستان پہنچ گئی

عالمی مالیاتی ادارے ( آئی ایم ایف ) کی معاون ٹیم کا وفد طویل مدتی قرض اور مالی سال 2024-25 کے بجٹ کے سلسلے میں پاکستان پہنچ گیا۔

ذرائع کے مطابق طویل مدتی قرض پروگرام پر مذاکرات کے پہلے مرحلے میں آئی ایم ایف کا وفد پاکستان پہنچ گیا ہے۔ آئی ایم ایف کے سربراہی مشن کا 16 مئی کی رات پاکستان پہنچنے کا امکان ہے۔

مذاکرات کے لیے پاکستان پہنچنے والے آئی ایم ایف مشن کے کچھ ممبران پاکستان پہنچ گئے۔ آئی ایم ایف کا وفد قرض کے سلسلے میں پاکستان کی معاشی ٹیم کے ساتھ بات چیت کرے گا۔

ذرائع کا کہنا ہے کہ آئی ایم ایف ٹیم مختلف محکموں سے ڈیٹا حاصل کرے گی جبکہ مشن کے ممبران وزارتِ خزانہ کے حکام سے مل کر بجٹ 2024-25 پر بھی کام کریں گے۔

پاکستان کی جانب سے آئی ایم ایف کے ساتھ 4 سالہ نئے پروگرام کے لیے مذاکرات شروع کردیے ہیں جس کے بعد 8 ارب ڈالر ملنے کی توقع ہے۔ اس سلسلے میں عالمی مالیاتی ادارے کا یہ مشن 10 روز سے زائد پاکستان میں قیام کرے گا۔

دوسری طرف آئی ایم ایف نے پاکستان سے آئندہ بجٹ میں 1300 ارب روپے کے اضافی ٹیکس عائد کرنے کا مطالبہ کر رکھا ہے۔

Related posts

سونے کی فی تولہ قیمت 4 ہزار 600 روپے بڑھ گئی

Mobeera Fatima

فرح خان کے بچوں کا نام پاسپورٹ کنٹرول لسٹ سے نکالنے کا فیصلہ

Mobeera Fatima

خیبرپختونخوا ، غیرملکی فنڈڈ منصوبوں میں بھرتیوں پر عائد پابندی ختم

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy