Daily Systematic Metro EPaper News National and International Political Sports Religion
اہم خبریںموسم

ملک کے بیشتر علاقوں میں بارش کا امکان، ندی نالوں میں طغیانی، لینڈ سلائیڈنگ کا خطرہ

محکمہ موسمیات کے مطابق ملک کے بیشتر علاقوں میں متعدد مقامات پر بارش کا امکان ہے۔

خیبرپختونخوا، کشمیر اور گلگت بلتستان میں بارش متوقع ہے، پنجاب، بلوچستان میں مزید بارش کا امکان ہے، اسلام آباد میں بارش کا سلسلہ وقفے وقفے سے جاری ہے۔

بعض مقامات میں موسلادھار بارش اور ژالہ باری کا امکان ظاہر کیا گیا ہے،محکمہ موسمیات کے مطابق 18 اور 19 اپریل کو دیر، سوات، چترال، کوہستان کے ندی نالوں میں طغیانی کا خدشہ ہے۔

مانسہرہ، گلگت بلتستان اور کشمیر کے مقامی ندی نالوں میں بھی طغیانی کا اندیشہ ہے،رپورٹ کے مطابق دریائے کابل سے ملحقہ علاقوں میں طغیانی جبکہ بالائی خیبر پختونخوا، مری، گلیات، کشمیر اور گلگت بلتستان میں لینڈ سلائیڈنگ کا اندیشہ ہے۔

تیز بارش کے باعث کھڑی فصلوں اور کمزور انفرا سٹرکچر کو نقصان پہنچنے کا بھی خطرہ ہے۔ شانگلہ میں بارش کا سلسلہ وقفے وقفے سے جاری ہے، ضلعی انتظامیہ الرٹ  ہے، بجلی کا نظام درہم برہم ہو گیا ہے کانا میں بجلی کے کھبمے گر گئے ہیں۔

بھمبرآزادکشمیر میں شہر اور گردونواح میں دوسرے روز بھی بارش کا سلسلہ جاری ہے، محکمہ موسمیات  آئندہ دو دن تک بارشوں کا امکان ظاہر کیا ہے۔

کوٹ ادو اور گردونواح میں تیز ہوا اور گرج چمک کے ساتھ بارش ہوئی، اب بھی آسمان پر گھنے بادلوں کا راج ہے اور بارش سے گرمی کا زور ٹوٹ گیا ہے، تیز ہوا اور بارش سے گندم کی فصل کو نقصان پہنچنے کا اندیشہ ہے۔

Related posts

سٹیٹ بینک نے شرح سود میں ڈیڑھ فیصد کمی کر دی

Mobeera Fatima

وفاقی بجٹ 7 جون کو پیش کیا جائیگا ، مالیاتی خسارہ 9300 ارب روپے رہنے کا امکان

Mobeera Fatima

فیصل کریم کنڈی کو گورنر خیبرپختونخوا بنانے کا فیصلہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy