Daily Systematic Metro EPaper News National and International Political Sports Religion
اہم خبریںپاکستان

چیف الیکشن کمشنر استعفی دیں، پی ٹی آئی نے عام انتخابات سے متعلق وائٹ پیپر جاری کردیا

پاکستان تحریک انصاف (پی ٹی آئی) نے عام انتخابات سے متعلق وائٹ پیپر جاری کرتے ہوئے انتخابی اصلاحات اور چیف الیکشن کمنشر کے استعفے کا مطالبہ کردیا۔

چیئرمین پی ٹی آئی بیرسٹر گوہر علی نے سیکرٹری جنرل عمر ایوب اور شبلی فراز سمیت دیگر رہنمائوں کے ہمراہ پریس کانفرنس کرتے ہوئے کہاکہ 8 فروری 2024 کے الیکشن میں ہمارے امیدواروں کے کاغذات نامزدگی مسترد کیے گئے،انتخابات سے قبل ہمیں انتخابی مہم کیلئے لیول پلیئنگ فیلڈ نہیں دی گئی۔

انہوں نے کہا کہ ہمارا انتخابی نشان چھین لیا گیاتھا۔ ہم نے سپریم کورٹ میں پٹیشن دائر کی ہے اور پورے پاکستان میں ہماری اب تک 158 پٹیشن دائر ہو چکی ہیں ،آج ہم وائٹ پیپر جاری کرنے جا رہے ہیں 300 صفحات پر مشتمل یہ وائٹ پیپر ہے۔

ہم مطالبہ کرتے ہیں کہ ہمارے مقدمات اور انتخابی عذرداریوں کو جلد سے جلد سنا جائے، ہماری الیکشن کمیشن سے درخواست ہے جلد سے جلد پٹیشنز کو نمٹایا جائے، ہم چاہتے ہیں الیکشن میں دھاندلی نہ ہو۔

اس موقع پر سیکرٹری جنرل عمر ایوب بے کہا کہ ضمنی انتخابات میں بھی کھلی دھاندلی ہوئی ہے ، وائٹ پیپر کے 300 پیج میں تمام شواہد موجود ہیں، چیف الیکشن کمشنر صاف شفاف الیکشن کروانے میں ناکام ہو گئے ہیں ، ہم مطالبہ کرتے ہیں کہ چیف الیکشن کمشنر اپنے عہدے سے استعفی دیں ۔

رہنما پی ٹی آئی شبلی فراز نے کہا کہ ہم نے آزاد حیثیت سے مختلف انتخابی نشانوں کے ذریعے الیکشن لڑا، الیکشن کمیشن کی ذمہ داری بنتی تھی کہ صاف وشفاف انتخابات کرائے۔

Related posts

بانی پی ٹی آئی سے ملاقات ہونے پر اختلافات ختم ہو جائینگے ، شیر افضل مروت

Mobeera Fatima

بھارت میں مودی سرکار کیخلاف ریلی میں ہزاروں افراد کی شرکت

Mobeera Fatima

بجٹ میں حکومتی اخراجات میں 235ارب کی کمی لانے پر اتفاق

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy