Daily Systematic Metro EPaper News National and International Political Sports Religion
اہم خبریںپاکستان

وزیراعلیٰ پنجاب کا کسانوں کیلئے چار ماہ میں 400 ارب کے پیکج کا اعلان

وزیراعلیٰ پنجاب مریم نواز نے کہا ہے کہ نواز شریف کی ڈکشنری میں ناممکن کا لفظ نہیں، پنجاب کی کوئی سڑک 5 سال بعد ٹوٹی ہوئی نہیں ہوگی۔

پھول نگر میں عوامی اجتماع سے خطاب کرتے ہوئے انہوں نے کہا کہ صوبے میں گندم کا کوئی بحران نہیں ہے۔ چار ماہ میں کسانوں کے لیے 40 کروڑ روپے کا بجٹ لے کر آرہے ہیں، پنجاب میں مہنگائی کو مزید کم کریں گے۔

مریم نواز کا کہنا تھا کہا کسانوں کو یقین دلاتی ہوں کہ جو پیکج لا رہے ہیں تاریخ میں کسان کو اتنا بڑا پیکج نہیں ملا ہوگا۔ گندم خریدنے میں کرپشن کے بازار گرم ہو جایا کرتے تھے، میں نے وہ راستہ بند کر دیا ہے۔

وزیراعلیٰ نے کہا کہ اگلے کچھ ماہ میں پنجاب کے تمام اسپتالوں کو بدل دیں گے۔ نواز شریف نے کہا تھا لوگوں کی پریشانیاں کم کروں گا، مہنگائی بڑھ جائے تو کم کرنا آسان نہیں ہوتا، عوام کو سستی روٹی پہنچانا میری ذمہ داری ہے۔

انہوں نے کہا کہ ہر شہر میں صحت کی سہولیات کی فراہمی کے لیے اقدامات کیے ہیں، صحت کی سہولیات کی فراہمی پنجاب حکومت کی اولین ترجیح ہے۔ کنٹینرز کو بھی صحت کی سہولیات کے لیے استعمال کرنا شروع کیا ہے۔

لیگی رہنما نے کہا کہ 300 رورل ہیلتھ سینٹر نئے بنارہے ہیں، تمام صحت مراکز جدید صحت کی سہولیات فراہم کررہے ہیں۔ دو ماہ میں دیہی مرکز صحت فعال کردیا ہے،
پنجاب کے شعبہ صحت کو جدید خطوط پر استوار کریں گے۔

Related posts

نیشنل یونیورسٹی آف ماڈرن لینگوئیج کے طلبا و طالبات پر مشتمل وفد کا پارلیمنٹ ہائوس کا دورہ

Mobeera Fatima

لاہور ہائیکورٹ نے چودھری پرویز الٰہی کو الیکشن کیلئے اہل قرار دیدیا

Mobeera Fatima

میٹرک اور انٹر کے امتحان، اسلامیات اور مطالعہ پاکستان کے نمبروں میں اضافہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy