Daily Systematic Metro EPaper News National and International Political Sports Religion
اہم خبریںپاکستان

وزیراعلیٰ پنجاب کا نواز شریف آئی ٹی سٹی 10 سال کیلئے ٹیکس فری کرنے کا اعلان

وزیراعلیٰ پنجاب مریم نواز نے کہا ہے کہ نواز شریف آئی ٹی سٹی 10 سال کے لیے ٹیکس فری کررہے ہیں، مہنگائی کو کنٹرول کے لیے بھی کام کررہے ہیں۔

مریم نواز کی ایشیائی ترقیاتی بینک کے ایگزیکٹو ڈائریکٹرز سے ملاقات ہوئی۔ اس دوران پنجاب میں ڈویلپمنٹ اورعوام کی فلاح و بہبود کے لیے مل کر کام کرنے پر اتفاق ہوا۔

اس موقع پر مریم نواز کا کہنا تھا کہ ہیلتھ، ایجوکیشن، انفراسٹرکچر اور انفارمیشن ٹیکنالوجی پر کام تیزی سے جاری ہے۔ شہباز شریف بطور وزیر اعلیٰ پنجاب کو ترقی کی بلندیوں پر لے گئے تھے۔

انہوں نے کہا کہ بیشتر شہروں میں ویسٹ مینجمنٹ سسٹم اور لینڈ فِل سائٹ موجود نہیں، ہر شہر کے لیے پائیدار اور مؤثر ویسٹ مینجمنٹ سسٹم لانا چاہتے ہیں۔ فلٹریشن پلانٹ سے متعلق امور کو ایک ہی محکمے کے سپرد کیا جارہا ہے۔

وزیراعلیٰ نے کہا کہ فیلڈ اسپتالوں میں 15 ہزار مریض روزانہ مستفید ہو رہے ہیں۔ مہلک امراض میں مبتلا 2 لاکھ مریضوں کو فری میڈیسن پہنچا رہے ہیں۔ ہیلتھ انفراسٹرکچر کو بھی تبدیل کررہے ہیں۔

انہوں نے مزید کہا کہ اسپتالوں میں ڈاکٹروں کی کمی پوری کریں گے جبکہ دنیا کے پہلے ورچوئل وویمن پولیس اسٹیشن سے پانچ ہزار شکایات یا ازالہ کرچکے ہیں۔

Related posts

یوٹیلٹی اسٹورز ملازمین کے ہڑتال، مظاہروں اور احتجاج پر پابندی عائد

Mobeera Fatima

خلیجی ریاستوں میں بارشیں، پی آئی اے کی جانب سے مسافروں کیلئے ہدایات جاری

Mobeera Fatima

بڑی بریڈ 180 روپے،چھوٹی بریڈ کی قیمت 95 روپے مقرر

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy