Daily Systematic Metro EPaper News National and International Political Sports Religion
اہم خبریںسائنس اور ٹیکنالوجی

چین چاند کے پراسرار حصے سے مٹی زمین پر لانے والا پہلا ملک بن گیا

چین چاند کے پراسرار حصے سے مٹی زمین پر لانے والا پہلا ملک بن گیا ہے۔ چینی مشن چینگ ای 6 چاند کے پراسرار خطے سے نمونے اکٹھے کرکے زمین کی جانب روانہ ہو گیا۔

چین کے خلائی پروگرام کی بہت بڑی پیشرفت ہے،چائنا نیشنل اسپیس ایڈمنسٹریشن کی جانب سے اس حوالے سے بیان کے مطابق چاند کے اس خطے کے نمونوں کے تجزیے سے سائنسدانوں کو چاند کی ارتقائی تاریخ اور اس کے تشکیل پانے کے عمل کو زیادہ گہرائی سے سمجھنے اور نتائج اخذ کرنے میں مدد ملے گی۔

ان نمونوں سے نظام شمسی کی تشکیل کو سمجھنے میں اور مستقبل کے مشنز کی بنیاد بھی رکھی جائے گی، چینگ ای 6 کے لینڈر نے 2 جون کو چاند کے قطب جنوبی کے شمال مشرقی خطے میں واقع پول ایٹکن پر لینڈنگ کی۔

چاند کے قطب جنوبی کی سطح سے نمونے اکٹھے کرکے لینڈر نے چین کے پرچم کو چاند کے اس تاریک حصے میں لہرایا، واضح رہے کہ چاند کے اس حصے کو تاریک اس لیے نہیں کہا جاتا کہ وہاں روشنی نہیں، بلکہ اس کے بارے میں تفصیلات نہ ہونے کی وجہ سے اسے تاریک یا خفیہ کا نام دیا جاتا ہے۔

چین کے چینگ ای 6 کا زمین واپسی کا سفر 5 دن میں مکمل ہوگا اور وہ شمالی چین پر لینڈ کرے گا،چینگ ای 6 کے بعد چینگ ای 7 روبوٹیک مشن کو چین چاند کے قطب جنوبی میں بھیجے گا جوچاند پر برف کے آثار دریافت کرنے کا کام کرے گا۔ چینگ ای 7 روبوٹک مشن کی مدد سے چین چاند کے ماحول اور موسم کی جانچ پڑتال بھی کرے گا۔

Related posts

سونا پھر 1100 روپے مہنگا ، فی تولہ قیمت 2 لاکھ ، 42 ہزار روپے ہو گئی

Mobeera Fatima

نائب وزیراعظم نے معاشی معاملات دیکھے تو اختلافات جنم لینگے، شاہد خاقان

Mobeera Fatima

9 مئی مقدمات ، شیخ رشید اور زرتاج گل سمیت 59 ملزمان کو چالان کی نقول فراہم

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy