Daily Systematic Metro EPaper News National and International Political Sports Religion
اہم خبریںپاکستان

گندم کی ا سمگلنگ میں مبینہ طور پر ملوث کسٹمز افسران و اہلکاروں کی نشاندہی کر لی گئی

گندم کی ذخیرہ اندوزی اورا سمگلنگ کی تحقیقات کے معاملے میں اہم پیشرفت سامنے آئی ہے ۔

ذرائع کا کہنا ہے کہ وزارت داخلہ نےا سمگلنگ میں مبینہ طور پر ملوث کسٹمز افسران و اہلکاروں کی نشاندہی کر لی ہے۔

اسمگلروں، کرپٹ افسران اور گندم کے ذخیرہ اندازوں کے سہولت کاروں کی فہرستیں تیار کر لی گئی ہیں،کسٹمز کے بلوچستان میں تعینات31 افسران و اہلکار اسمگلنگ اور کرپشن میں مبینہ ملوث پائے گئے ہیں۔

وزارت داخلہ کی رپورٹ کے بعد ایف بی آر بھی ایکشن میں آگیا،ایف بی ار نے چیف کلکٹر بلوچستان کو ملوث افسران کی انکوائری کا حکم دے دیا۔

چیف کلکٹر کو انٹیلیجنس رپورٹ کی بنیاد پر انکوائری کرکے 3 مئی کورپورٹ پیش کرنے کا حکم دیا گیا ہے۔

دوسری جانب پنجاب حکومت اور کسانوں کے درمیان گندم کی خریداری کے حوالے سے کوئی پیشرفت سامنے نہیں آئی ہے۔

خریداری نہ ہونے کے باعث گندم کی قیمتوں میں مزید کمی ہو گئی ، پنجاب اور سندھ میں کسان فی من گندم 2800 روپے تک بیچنے پر مجبور ہو گئے ہیں۔

ذرائع محکمہ خوراک کے مطابق چھوٹے کسانوں کو چند دن بعد کسان کارڈز کے ذریعے امداد دینے کا سلسلہ شروع کر دیا جائے گا تاہم فلور ملز، سیڈ ملز اور آڑھتیوں نے گندم کی خریداری کے لیے مارکیٹ کا رُخ کر لیا ہے۔

علاوہ ازیں کسان اتحاد کے صدر خالد باٹھ اور کسان بچاؤ تنظیم کے رہنما جاوید سلطان نے احتجاج کا اعلان کرتے ہوئے کہا ہے کہ حکومتی بے حسی کے خلاف تمام اضلاع میں مظاہرے کیے جائیں گے۔

Related posts

اسرائیلی جیل میں 38 سال سے قید نامور فلسطینی ناول نگار انتقال کر گئے

Mobeera Fatima

امریکی کرکٹر نے حارث رؤف پر بال ٹیمپرنگ کا الزام عائد کر دیا

Mobeera Fatima

غیر قانونی لوگوں کو حلف نہیں لینے دینگے ، علی امین گنڈا پور

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy