Daily Systematic Metro EPaper News National and International Political Sports Religion
اہم خبریںصحت

رمضان المبارک کے فوری بعد سخت غذائیں نہ کھائی جائیں، طبی ماہرین کا مشورہ

طبی ماہرین نے شہریوں کو عید الفطر کے موقع پر پیغام دیتے ہوئے کہا ہے کہ عید کی خوشیاں دوبالا کرنے کے لیے کھانے میں اعتدال سے کام لیں۔

لاہور جنرل ہسپتال کے اسسٹنٹ پروفیسر آف میڈیسن ڈاکٹر محمد مقصود اور گائنا کالوجسٹ ڈاکٹر لیلیٰ شفیق نے شہریوں کو ‘سادہ غذا صحت کے لیے بہتر’ کے موضوع پر احتیاطی تدابیر سے آگاہ کیا ہے۔

ڈاکٹر لیلیٰ شفیق کا کہنا تھا کہ رمضان المبارک کے بعد عید الفطر کے موقع پر فوری طور پر سخت غذاؤں کا استعمال نہ کیا جائے کیونکہ ایک ماہ روزے رکھنے کے بعد انسانی معدہ نرم ہو جاتا ہے لہٰذا اچانک معدہ پر بوجھ نہ ڈالیں۔

انہوں نے کہا کہ مرغن غذاؤں، تیز مرچ اور مصالحہ دار کھانوں سے پرہیز کیا جائے۔ عید کی خوشی مناتے ہوئے ہمیں کھانے میں اعتدال سے کام لینا چاہیے، خصوصاً ذیابیطس، بلڈ پریشر، امراض قلب اور پیٹ کی متعدد بیماریاں پیدا ہوتی ہیں جو جسمانی نظام کو متاثر کر سکتی ہیں۔

ڈاکٹرز نے کہا کہ چٹ پٹے کھانوں کی بچائے، پھلوں اور سبزیوں کا زیادہ استعمال کریں۔ پھلوں اور سبزیوں میں موجود پانی اور فائبر پیاس بھجانے کے ساتھ پیٹ بھرنے کا احساس دلاتے ہیں۔ پھلوں میں موجود مٹھاس انسانی جسم میں چینی کے لیے پائی جانے والی طلب کو بھی پورا کرتی ہے۔

انہوں نے مزید کہا کہ عید الفطر پر کھانے کے ساتھ کولڈ ڈرنک کے استعمال میں احتیاط برتی جائے۔ ضرورت سے ذیادہ ٹھنڈے پانی اور برف کے استعمال سے بھی پرہیز کریں۔ انہوں نے شہریوں کو ہدایت کی کہ ورزش کو معمول بنائیں تاکہ بیماریوں سے محفوظ رہ سکیں۔

Related posts

دو سے تین ہفتے میں یورپ کو پی آئی اے کی پروازیں بحال ہو جائیں گی، علی پرویز ملک

Mobeera Fatima

ڈالر مزید سستا ، اسٹاک ایکسچینج میں تیزی کا رجحان برقرار

Mobeera Fatima

شیر افضل مروت پی ٹی آئی کی سیاسی کمیٹی کے بعد کور کمیٹی سے بھی فارغ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy