Daily Systematic Metro EPaper News National and International Political Sports Religion
اہم خبریںمعیشت

ڈالر مزید مہنگا ، دیگر غیر ملکی کرنسیاں سستی ہو گئیں

تیسرے کاروباری روز کے اختتام پر انٹربینک میں ڈالر کی قیمت میں مزید معمولی اضافہ ریکارڈ کیا گیا۔

اسٹیٹ بینک آف پاکستان کی جانب سے جاری اعدادو شمار کے مطابق بدھ کو کاروبار کے اختتام پر انٹربینک میں ڈالر کی قیمت میں مزید 8 پیسے کا معمولی اضافہ ہوا جس کے بعد امریکی کرنسی 278 روپے 39 پیسے سے بڑھ کر 278 روپے47 پیسے کی سطح پر بند ہوئی ہے ۔

کاروبار کے آغاز پر انٹر بینک میں ڈالر 6 پیسے کے اضافے سے 278 روپے 45 پیسے پر ٹریڈ کر رہا تھا ۔ یاد رہے کہ منگل انٹر بینک میں امریکی کرنسی کی قیمت میں 9 پیسے کا اضافہ ریکارڈ کیا گیا جس کے بعد ڈالر 278 روپے 39 پیسے پر بند ہوا تھا۔

اوپن مارکیٹ میں ڈالر کی قیمت خرید277.25روپے اور قیمت فروخت280.00روپے رہی۔دیگر بڑی کرنسیوں میں برطانوی پاؤنڈ مہنگا جبکہ یورو، سعودی ریال اور اماراتی درہم سستا ہو گیا۔

یورو کی قیمت میں 16 پیسے کی کمی ریکارڈ کی گئی ہے جس سے نئی قیمت 302 روپے 47 پیسے سے کم ہو کر 302 روپے 31 پیسے ہو گئی ہے جبکہ

برطانوی پاؤنڈ کی قیمت میں 94 پیسے کا اضافہ ہوا ہے جس سے نئی قیمت 353 روپے 95 پیسے سے بڑھ کر 354 روپے 89 پیسے پر پہنچ گئی ہے ۔

خلیجی کرنسیوں میں سعودی ریال اور اماراتی درہم کی قیمتوں میں مسلسل اضافے کے بعد معمولی کمی دیکھنے میں آئی ہے ۔ درہم کی قیمت میں 3 پیسے کی کمی کے بعد 75 روپے 82 پیسے سے کم ہو کر 75 روپے 79 پیسے پر آگیا ہے جبکہ سعودی ریال کی قیمت معمولی کمی کے بعد 75 روپے 25 پیسے پر رہی ۔

Related posts

31 لاکھ ریٹیلرز کو ٹیکس نیٹ میں لانے کیلئے تاجر دوست اسکیم شروع

Mobeera Fatima

مرغی کے گوشت کی نئی قیمت 634 روپے کلو مقرر، ٹماٹر بھی مہنگے

Mobeera Fatima

پیٹرول کی قیمت میں 9 روپے 94 پیسے اضافے کا امکان

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy