Daily Systematic Metro EPaper News National and International Political Sports Religion
اہم خبریںمعیشت

ایف بی آر کا فیصلہ ، صارفین کا تحفظ یقینی بنائینگے، پی ٹی اے

5لاکھ سموں کے بلاک کرنے سے متعلق ایف بی آر کے فیصلے پرپی ٹی اے کا موقف سامنے آگیا ہے۔

پی ٹی اے کا کہنا ہے کہ موبائل فون آپریٹرز اور اسٹیک ہولڈرز سے رابطے میں ہیں،ہمارا مقصد ریگولیٹری فریم ورک اور قانونی دفعات کو مد نظر رکھتے ہوئے صارفین کا تحفظ یقینی بناناہے۔معاملے پر ہونے والی کسی بھی پیش رفت سے مطلع کر دیا جائے گا۔

یاد رہے کہ وفاقی حکومت نے نان فائلرز کی موبائل سمیں بند کرنے کا حکم جاری کردیا ہے ۔5لاکھ سے زائد افراد کی ٹیکس گوشوارے جمع نہ کرانے پر موبائل سمیں بلاک ہوں گی،ٹیکس گوشوارے جمع نہ کرانے والے 5لاکھ6 ہزار671 افراد کی فہرست جاری کردی گئی ۔

ایف بی آر کا کہنا ہے کہ 6لاکھ سے زائد افراد کے ذمہ انکم ٹیکس بنتا ہے جنہوں نے ٹیکس جمع نہیں کرایا،فہرست میں شامل افراد ٹیکس ادا کرکے اپنی سم بحال کرا سکتے ہیں ۔

ایف بی آر نے پی ٹی اے اور موبائل آپریٹر کمپنیوں کو فیصلے پر عملدرآمد کرنے کی ہدایت جاری کردی ہے۔

یہ سٹریٹیجک اقدام ٹیکس دہندگان میں ٹیکس کمپلائنس اور اکائونٹیبلٹی کے کلچر کو فروغ دینے کے لئے ایف بی آر کے عزم کو ظاہر کرتا ہے۔

ایف بی آر کا مقصد ان اقدامات اورمتعلقہ سٹیک ہولڈرز کے تعاون کے ذریعے ٹیکس کی بنیاد کو مضبوط کرنا اور قوم کے فائدے کے لئے ایک منصفانہ اور مساویانہ ٹیکس سسٹم کو فروغ دینا ہے۔

یہ تمام افراد اپنی ٹیکس ذمہ داریوں کو فوری طور پر پورا کریں اور انکم ٹیکس جنرل آرڈر کی تعمیل کرتے ہوئے اپنے درست ڈیکلیریشنز جمع کرا کر ٹیکس سال2023 کے لئے اپنے انکم ٹیکس ریٹرن فائل کریں ۔

Related posts

طلبہ کو الیکٹرک بائیکس دینے کا معاملہ، لاہور ہائیکورٹ نے پنجاب حکومت کو روک دیا

Mobeera Fatima

شین ژین یونیورسٹی میں انٹرنیشنل کلچرل فیسٹیول

Mobeera Fatima

غزہ میں جنگ بندی کی کوششیں ، اسرائیلی بمباری سے مزید 66 فلسطینی شہید

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy