Daily Systematic Metro EPaper News National and International Political Sports Religion
اہم خبریںپاکستان

وفاقی حکومت کا اسپیس ٹیکنالوجی کے ساتھ اسکولوں کے بچوں کو علم فلکیات سے متعارف کروانے کا فیصلہ

وفاقی حکومت نے اسپیس ٹیکنالوجی کے ساتھ اسکولوں کے بچوں کو علم فلکیات سے متعارف کروانے کا فیصلہ کر لیا۔

ذرائع کے مطابق وزارت تعلیم نے اسلام آباد کے سرکاری اسکولوں میں علم فلکیات کی ترویج پر کام شروع کردیا۔

سیکرٹری وزارت تعلیم محی الدین وانی نے اسلام آباد کے اسکولوں میں بڑی ٹیلی اسکوپس نصب کرنے کے لئے متعلقہ محکموں کو ہدایات جاری کردیں۔

پہلے مرحلے میں بطور آزمائش ایک اسکول میں بڑی ٹیلی اسکوپ نصب کی جائے گی جس سے 27 مئی کو بچوں کو چاند کا مشاہدہ کروایا جائے گا۔

ٹیلی اسکوپ سیشن میں سرکاری اسکولوں کے طالب علم خلا اور سیاروں کا مشاہدہ کرسکیں گے، پہلے مرحلے میں 10 سے 12 اسکولوں کے طالب علموں کو بڑی ٹیلی اسکوپ سے مشاہدہ کروایا جائے گا۔

27 مئی کی رات 9 سے 10 ساڑھے بجے کے درمیان چاند، ستاروں اور آسمان کا مشاہدہ کیا جاسکے گا۔ ٹیلی اسکوپ سیشن میں بچوں کے ساتھ اساتذہ اور بچوں کے والدین شرکت کریں گے۔

دن کے اوقات میں بچوں کو سولر چشموں سے سورج کا مشاہدہ بھی کروایا جائے گا۔سیکرٹری وزارت تعلیم محی الدین وانی نے کہا کہ گرمی کی چھٹیوں کے بعد کوشش ہوگی ہر پرائمری اسکول میں ایک بڑی ٹیلی اسکوپ مہیا کی جاسکے، بچوں کو کائنات کے علوم سے روشناس کروایا جانا وقت کی اہم ضرورت ہے۔

Related posts

وفاقی حکو مت نے اقتصادی سروے رپورٹ جاری کردی

Mobeera Fatima

تمام وقت کام پر ضائع کرنے کے بجائے خود کیلئے وقت نکالیں، بل گیٹس

Mobeera Fatima

چین پاکستان کے معاہدوں کے حوالے سے کوئی بات چیت نہیں ہوئی، آئی ایم ایف

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy