Daily Systematic Metro EPaper News National and International Political Sports Religion
اہم خبریںکھیل

گواسکر نے آئی پی ایل چھوڑ کر جانے والے انگلش کرکٹرز کیخلاف کارروائی کا مطالبہ کر دیا

بھارت کے سابق کپتان سنیل گواسکر نے اپنی قومی ذمہ داریاں نبھانے کے لئے آئی پی ایل چھوڑنے والے انگلش کرکٹرز کیخلاف کارروائی کا مطالبہ کردیا۔

انگلینڈ نے ورلڈکپ سے قبل پاکستان کیخلاف سیریز کیلئے اپنے اہم کھلاڑیوں کو آئی پی ایل سے واپس بلانے کا فیصلہ کیا ہے اور انگلش کرکٹرز اپنی اپنی ٹیموں کو چھوڑ کر وطن روانہ ہونا شروع ہوگئے ہیں جس پر بھارتی ٹیم کے سابق کپتان سنیل گواسکر سیخ پا ہیں۔

ایک اخباری کالم میں سنیل گواسکر نے لیگ پر نیشنل ڈیوٹی کو ترجیح دینے والے پلیئرز پر تنقید کے تیر برساتے ہوئے لکھا کہ فرنچائز کو اپنی دستیابی ظاہر کرنے کے بعد یوں ایونٹ سے دستبردار ہو کر کھلاڑیوں نے فرنچائز کو مایوس کیا ہے۔

سنیل گواسکر نے مطالبہ کیا کہ بی سی سی آئی کو چاہیے کہ ان فرنچائزوں کو اس بات کی اجازت دیں کہ وہ پلیئرز کے معاوضے سے کٹوتی کریں اور ساتھ ساتھ انگلش کرکٹ بورڈ کو پلیئرز فیس کا طے شدہ کمیشن بھی ادا نہ کیا جائے۔

سنیل گواسکر نے کہا کہ ای سی بی کو پلیئرز ریلیز فیس اس لیے دی جاتی ہے کیوں کہ بورڈ پلیئرز ریلیز کرے لیکن اگر بورڈ ایسا نہیں کر رہا تو اس پر بی سی سی آئی کو ایکشن لینا چاہیے۔

Related posts

پٹرولیم لیوی 60 سے بڑھا کر 80 روپے فی لٹر کئے جانیکا امکان

Mobeera Fatima

بھارتی کامیڈین ذاکر خان کا ارسلان نصیر کو 4 نکاح کرنے کا مشورہ

Mobeera Fatima

پاکستان میں اینٹی بائیوٹک ادویات کا غیر ضروری استعمال بڑھ گیا

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy