Daily Systematic Metro EPaper News National and International Political Sports Religion
اہم خبریںدنیا

حماس کا راکٹوں سے حملہ ، 3 اسرائیلی فوجی ہلاک ، 11 زخمی

فلسطینی مزاحمتی تنظیم حماس کے جنگجوؤں کے حملے میں تین اسرائیلی فوجی ہلاک اور 11 زخمی ہو گئے۔

اسرائیلی میڈیا کے مطابق اسرائیلی فوج نے کریم شالوم کے علاقے میں حماس کے راکٹ حملے میں تین فوجی مارے جانے کی تصدیق کر دی ہے ، مارے جانے والوں میں گیواتی بریگیڈ کا سارجنٹ ریوین مارک مورڈیچائی اسولن اور سارجنٹ آئیڈو ٹیسٹا شامل ہیں۔

ہلاک ہونے والوں کا تعلق اسرائیلی فوج کی نہال بریگیڈ سے تھا۔ غزہ میں اسرائیلی آپریشن کے دوران ہلاک فوجیوں کی تعداد 266 ہو گئی ہے۔

اسرائیلی ڈیفنس فورسز (آئی ڈی ایف) نے بتایا کہ 11 زخمیوں میں سے 3 کی حالت تشویشناک ہے جس کے باعث ہلاکتوں میں اضافے کا خدشہ ہے۔ آئی ڈی ایف کے مطابق اس حملے میں جنوبی غزہ کے علاقے رفح سے 10 سے زیادہ راکٹ فائر کیے گئے۔

دوسری جانب حماس نے کہا ہے کہ اس نے کیرم شالوم کے قریب سرحد پر اسرائیلی فوجیوں کے ایک ٹولے پر مختصر فاصلے تک مار کرنے والے راکٹوں کا ایک برسٹ چلایا۔ زیادہ تر راکٹ ایسے علاقے پر داغے گئے جہاں فوجیں سرحد پر جمع تھیں۔

یہ فوجی رفح میں ہونے والے آپریشن کے لیے لائے گئے اسلحہ اور گولہ بارود کی حفاظت پر تعینات تھے۔

Related posts

راشد نسیم نے مزید 20عالمی ریکارڈ توڑ دیے

Mobeera Fatima

جنوبی ایشیا کوشدید موسمی حالات کا سامنا، بھارت میں ہیٹ ویو سے 9 افراد ہلاک

Mobeera Fatima

پاک بھارت کے درمیان 12 ٹی ٹوئنٹی میچز میں انڈیا کا پلڑا بھاری

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy