Daily Systematic Metro EPaper News National and International Political Sports Religion
اہم خبریںپاکستان

خیبرپختونخوا، پنجاب میں ہیٹ ویو، بارشوں اور طوفان کا الرٹ جاری

لاہورپشاور: پی ڈی ایم اے پنجاب نے رواں ماہ ہیٹ ویو، بارشوں اور طوفان کا الرٹ جاری کر دیا۔

ترجمان پی ڈی ایم اے کے مطابق 18 مئی تک پنجاب کے بیشتر اضلاع میں گرد آلود ہوائیں چلیں گی اور گرج چمک کے ساتھ بارش کا امکان ہے۔

راولپنڈی، مری، گلیات، اٹک، چکوال، گجرات، جہلم، گوجرانوالہ میں تیز ہواؤں کے ساتھ بارش کی پیش گوئی کی گئی ہے، لاہور، قصور، سیالکوٹ،نارووال، اوکاڑہ، فیصل آباد، جھنگ، سرگودھا اور میانوالی میں آندھی و بارش کا امکان ظاہر کیا گیا ہے۔

پی ڈی ایم اے کے مطابق رواں ماہ درجہ حرارت اوسطاً 8 ڈگری تک بڑھنے کے امکانات ہیں، 21 سے 27 مئی تک پنجاب میں ہیٹ ویو کے امکانات ہیں، موسم خشک اور درجہ حرارت نارمل سے 6 ڈگری زیادہ رہے گا۔

پی ڈی ایم اے نے محکمہ صحت، آبپاشی، تعمیر و مواصلات، لوکل گورنمنٹ اور لائیو اسٹاک کو الرٹ جاری کر دیا ہے، دوسری جانب پی ڈی ایم اے نے خیبرپختونخوا کے بالائی اضلاع میں 19 مئی تک گرج چمک کے ساتھ بارش کا امکان ظاہر کیا ہے۔

خیبرپختونخوا میں 21 سے 27 مئی کے دوران بیشتر اضلاع میں درجہ حرارت 4 سے 6 ڈگری بڑھنے کا امکان ہے، تمام ضلعی انتظامیہ کو موسمی صورتحال کے پیش نظر الرٹ جاری کر دیا گیا ہے۔

Related posts

پاکستان سمیت دنیا بھر میں صحت کا عالمی دن کل منایا جائے گا

Mobeera Fatima

آرمی چیف جنرل عاصم منیر سے باکسر عامر خان اور مارشل آرٹس چیمپئن شاہ زیب رند کی ملاقات

Mobeera Fatima

عید پر مری میں موٹرسائیکلز کی انٹری بند، نوپارکنگ اوربڑی گاڑیوں کے اوقات کار مقرر

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy