Daily Systematic Metro EPaper News National and International Political Sports Religion
اہم خبریںدنیا

سعودی عرب، دبئی، شارجہ اور دیگر ریاستوں میں موسلا دھار بارشیں

سعودی عرب، دبئی، شارجہ اور دیگر ریاستوں میں موسلادھار بارشوں نے نظام زندگی درہم برہم کر دیا۔

متحدہ عرب امارات کی ریاست دبئی، ابوظہبی اور راس الخیمہ میں موسلادھار بارشوں کی وجہ سے تعلیمی اداروں اور متعدد دفاتر میں دو دن کی چھٹیاں کر دی گئی ہیں،گھروں سے کام کرنے کی ہدایات جاری کی گئی ہیں۔

دبئی پولیس کی جانب سے پبلک سیفٹی الرٹ بھی جاری کیا گیا ہے، پولیس نے شہریوں کو محتاط رہنے اور غیر ضروری سفر سے گریز کرنے کی ہدایت کی ہے۔

دوسری جانب سعودی عرب سمیت ابوظہبی اور دبئی کے شہری علاقوں کے علاوہ طوفانی بارشوں سے صحرائی وادیاں پانی سے بھر گئی ہیں۔

ریاض، الخرج، القصیم، بریدہ، دمام،الخبر، الاحساء،الجبیل اور دیگر علاقوں میں تیز بارشوں سے شہروں کی اہم شاہراہیں اور انڈر پاسز میں پانی بھرگیا جب کہ گاڑیاں پانی میں بہہ گئیں۔

سعودی عرب کے مختلف علاقوں میں بارش کا پانی کاروباری مراکز میں داخل ہو گیا، کئی پروازیں بھی منسوخ کرنا پڑ گئیں، سعودی عرب کے شہروں دمام اور الخبر میں بارش کے کی وجہ سے بلدیہ نے تمام انڈر پاس اور پل بند کردیے جب کہ عوام کو گھروں میں رہنے کی ہدایات جاری کی گئی ہیں۔

دبئی، ابوظہبی اور فجیرہ میں گزشتہ روز سے تیز بارشوں کا آغاز ہوا، بارشوں کی وجہ سے یلو الرٹ جاری کیا گیا ہے۔سعودی عرب کے محکمہ موسمیات کے مطابق اگلے دو روز موسم خراب رہنے کا امکان ہے۔

Related posts

حماس کا راکٹوں سے حملہ ، 3 اسرائیلی فوجی ہلاک ، 11 زخمی

Mobeera Fatima

عدت کیس میں سزا معطل کی جائے ، بشریٰ بی بی کی اسلام آباد ہائیکورٹ میں درخواست

Mobeera Fatima

ضمنی انتخابات کے نتائج مسترد، سنی اتحاد کونسل کا جمعہ کے روز بھر پور احتجاج کا اعلان

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy