Daily Systematic Metro EPaper News National and International Political Sports Religion
اہم خبریںپاکستان

نائب وزیراعظم نے معاشی معاملات دیکھے تو اختلافات جنم لینگے، شاہد خاقان

سابق وزیراعظم شاہد خاقان عباسی نے کہا ہے کہ اگر نائب وزیراعظم اسحاق ڈار کو معاشی معاملات دیکھنے کا ٹاسک دیا جاتا ہے تو اختلافات جنم لیں گے۔

ہم نیوز کے پروگرام صبح سے آگے میں گفتگو کرتے ہوئے انہوں نے اسحاق ڈار کی بطور ڈپٹی وزیراعظم تقرری پر اظہار خیال کیا۔ انہوں نے کہا کہ حکومت میں نائب وزیراعظم کی ضرورت نہیں ہوتی، نہ ہی آئین میں نائب وزیراعظم کی گنجائش ہوتی ہے۔

شاہد خاقان عباسی کا کہنا تھا کہ نائب وزیراعظم کا عہدہ آئینی نہیں ہے، ماضی میں 3 نائب وزرائے اعظم رہ چکے ہیں۔ ایگزیکٹیو آرڈر کو چیلنج نہیں کیا جاسکتا، معاملہ وزیراعظم پر چھوڑ دیں وہ کس کو کیا عہدہ دیتے ہیں۔

انہوں نے کہا کہ جس کو وزیراعظم عہدہ دیں اس کی کارکردگی کو دیکھا جائے۔ ماضی میں کارکردگی اچھی نہیں تھی تو اسحاق ڈار واپس لینڈ کرگئے، میرا قصور نہیں۔ عدالت نائب وزیراعظم عہدے کی کوئی رولنگ دے تو اچھا ہے۔

مسلم لیگ ن کے منحرف رہنما نے مزید کہا کہ وزیراعظم اگر سمجھتے ہیں کہ مصروفیت کے باعث کچھ کام اسحاق ڈار کو دیں تو مسئلہ نہیں۔ اسحاق ڈار کو معاشی معاملات دیکھنے کا کہا گیا تو اختلافات جنم لیں گے۔

خیال رہے کہ گزشتہ روز وزیراعظم کی طرف سے وزیرِ خارجہ اسحاق ڈار کو نائب وزیراعظم مقرر کیے جانے کا نوٹیفیکیشن جاری کیا گیا تھا۔

Related posts

خیبر پختونخوا ،خاتون مشیر اور سیکرٹری کیلئے بیش قیمت گاڑیاں خریدنے کی سمری ارسال

Mobeera Fatima

قومی ٹیم کی پلیئنگ الیون میں تبدیلی نہ کرنے کا امکان

Admin

سیاستدانوں کو بیٹھ کر سوچنا چاہیے، بات خواجہ سراؤں تک پہنچ گئی، رانا ثناء اللہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy