Daily Systematic Metro EPaper News National and International Political Sports Religion
اہم خبریںپاکستان

بڑی پوسٹ پر چھوٹا بندہ ہوگا تو نفرتیں جنم لینگی، وزیراعلیٰ آئین پڑھیں، گورنر کے پی

گورنر کے پی فیصل کریم کنڈی نے کہا ہے کہ وفاق سے تنازع رہا تو خیبر پختونخوا کے لوگ 5 سال پیچھے رہیں گے، چھوٹے شخص کو بڑے عہدے پر بٹھا دیں تو پھر ایسا ہی ہوتا ہے۔

کراچی میں میڈیا سے گفتگو کرتے ہوئے انہوں نے کہا کہ خیبرپختونخوا کے حالات سب کے سامنے ہیں، یہاں میں امن و امان کی صورتحال ٹھیک نہیں۔ صوبے اور وفاق کے درمیان پُل کا کردار ادا کروں گا، دوری سے عوام پریشان ہوں گے۔

فیصل کریم کنڈی کا کہنا تھا کہ ہم نے خیبرپختونخوا کا مقدمہ لڑنا ہے، جب نفرت ہوگی تو صوبہ اور ملک ترقی نہیں کرے گا۔ میں خیبر پختونخوا کی عوام کا وکیل بن کر بات کروں گا، صوبے کے پیسے لینے کا بھی ایک فورم ہے جہاں مقدمہ لڑیں گے۔

وزیراعلیٰ خیبرپختونخوا علی امین گنڈاپور پر تنقید کرتے ہوئے گورنر کے پی نے کہا کہ وہ اپنی نااہلی چھپانے کے لیے متنازع بیانات نہ دیں۔ وزیراعلیٰ خیبرپختونخوا اسلام آباد پر چڑھائی کریں گے تو قانون اپنا راستہ لے گا۔

انہوں نے کہا کہ جب بڑی پوسٹ پر ایک چھوٹا بندہ ہوگا تو نفرتیں جنم لیں گی، وزیراعلیٰ خیبر پختونخوا آئین کا مطالعہ کریں۔ ہم کبھی حالات خراب کرنے کے بجائے بہتر کریں گے، خیبر پختونخوا میں ایک بھی اجلاس نہیں ہوا۔

گورنر کے پی نے مزید کہا کہ 9 مئی قریب آتے ہی پاکستان تحریک اںصاف ( پی ٹی آئی) نے وہی بیانات شروع کردیے۔ 9 مئی کے واقعات میں ملوث افراد کو ریلیف نہیں ملنا چاہیے۔

Related posts

پیپلز پارٹی نے کامران ٹیسوری کو ناکام ترین گورنر قرار دے دیا

Mobeera Fatima

گرمی کی لہر میں کمی کا امکان، گرد آلود ہواؤں اور طوفان کا الرٹ جاری

Mobeera Fatima

عوام کو ایک اور جھٹکا ، بجلی 3.28 روپے فی یونٹ مہنگی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy