Daily Systematic Metro EPaper News National and International Political Sports Religion
اہم خبریںکھیل

قومی ٹیم کے اسسٹنٹ کوچ کا معاملہ، اظہر محمود مضبوط امیدوار

پاکستان کرکٹ ٹیم کے سابق آل راؤنڈر اظہر محمود کا نام قومی ٹیم کے اسسٹنٹ کوچ کے لیے مضبوط امیدوار کے طور پر سامنے آگیا۔

بیورو رپورٹ(عمران سہیل)

پاکستان کرکٹ بورڈ (پی سی بی) کی طرف سے وائٹ بال اور ریڈ بال فارمیٹ کے لیے الگ الگ ہیڈ کوچز لانے کا فیصلہ کیا گیا ہے۔ اس حوالے سے پی سی بی نے اسسٹنٹ کوچ کے لیے دو روز قبل اشتہار دیا تھا۔

اشتہار کے مطابق درخواستیں جمع کرانے کے لیے آخری تاریخ 20 اپریل ہے جبکہ ہیڈ کوچز کے لیے درخواستیں 15 اپریل تک جمع کرائی جا سکتی ہیں۔ اس دوران پی سی بی نے قومی ٹیم کے کوچز کے معاملات بھی طے پا چکے ہیں۔

وائٹ بال اور ریڈ بال فارمیٹ کے اسسٹنٹ کوچ کے لیے سابق کرکٹر اظہر محمود مضبوط امیدوار ہیں۔ اظہر محمود اس سے قبل پاکستان سُپر لیگ (پی ایس ایل) 9 کی فاتح ٹیم اسلام آباد یونائیٹڈ کے باؤلنگ کوچ بھی ہیں۔

پی سی بی کی جانب سے اسسٹنٹ کوچ کا باقاعدہ اعلان 20 اپریل کے بعد ہی کیا جائے گا جبکہ ہیڈ کوچز کا اعلان بھی 15 اپریل کے بعد متوقع ہے۔

خیال رہے کہ پی سی بی نے وائٹ بال کے ہیڈ کوچ کے لیے گیری کرسٹن اور ریڈ بال کے لیے جیسن گلیسپی کے ساتھ ہیڈ کوچ کے معاملات طے کیے ہیں۔

Related posts

ڈالر مزید سستا ، اسٹاک ایکسچینج میں تیزی کا رجحان برقرار

Mobeera Fatima

شیخ جعفر مندوخیل نے گورنر بلوچستان کے عہدے کا حلف اٹھا لیا

Mobeera Fatima

پاکستان بھر میں موبائل فونز کی قیمتوں میں 10 ہزار روپے تک کی کمی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy