Daily Systematic Metro EPaper News National and International Political Sports Religion
اہم خبریںموسم

وزارت صحت کی ہیٹ سٹروک سے بچنے کے لئے ہدایات جاری

وزارت صحت کی جانب سے ہیٹ سٹروک سے بچائو کیلئے ہدایات جاری کرتے ہوئے کہا گیا ہے کہ دن کے گرم ترین وقت میں باہر جانے سے گریز کریں، سخت جسمانی سرگرمیوں سے پرہیز کریں،ایمرجنسی ہیٹ ویو ریسپانس سینٹرزقائم کریں۔

وزارت صحت سے جاری ایڈوائزری کے مطابق ہیٹ سٹروک سے ہونے والی اموات اور بیماری میں اضافہ ہوسکتا ہے، ایمرجنسی ہیٹ ویو ریسپانس سینٹرزقائم کریں جو گرمی کی لہر کے دوران ہفتے کے ساتوں دن کھلے رہیں گے۔

فوکل پرسن نامزد کریں اور مرکز میں متعلقہ عملے کی دستیابی کو یقینی بنائیں،تیاری کے حوالے سے صحت کی سہولت کے عملے سے ملاقات کی جائے،سہولت ایمبولینس کے ساتھ کوآرڈینیشن 1122 یقینی بنائیں ۔

انہوں نے کہا کہ ہیٹ سٹروک کے مریض کے ہنگامی انتظام سے متعلق انچارج میڈیکل آفیسرز کے ذریعے صحت کی سہولت کے عملے کی تربیت کی جائے، بشمول صحت کی سہولیات پر ضروری سامان او آر ایس، ہنگامی زندگی بچاؤ ادوایات اور سپنچنگ کے لیے کاٹن رولز کی دستیابی کو یقینی بنائیں۔

ہیٹ سٹروک کی عام طبی خصوصیات میں بہت زیادہ پسینہ آنا یا گرم سرخ یا خشک جلد کے ساتھ پسینہ نہ آنا، کمزوری،سستی، سردی لگنا، سر درد، جسم کا بلند درجہ حرارت، وہم، الجھن،چکر آنا شامل ہیں۔

ایڈوائزری کے مطابق شہریوں کو ہدایت کی گئی ہے کہ دن کے گرم ترین وقت میں باہر جانے سے گریز کریں، سائے میں رہیں ، بچوں اور جانوروں کو کھڑی گاڑیوں میں نہ چھوڑیں ،کافی مقدار میں پانی پئیں اور سخت سرگرمیاں صبح اور شام کے اوقات میں کریں۔

مریضوں کو سوفٹ ڈرنکس یا چائے پر مشتمل کیفین اور چینی کے استعمال سے گریز کرنا چاہیے، جو پانی کی کمی کو بڑھا سکتا ہے۔ گرم مرطوب ماحولیاتی حالات کے دوران نمکین کھانوں اور چھتری کا استعمال کریں، ٹوپیاں، ہلکے رنگ کے ہلکے اور ڈھیلے کپڑے پہنیں۔

Related posts

وزیرِ خزانہ کی امریکہ میں اہم ملاقاتیں، مختلف شعبوں میں شراکت داری بڑھانے پر اتفاق

Mobeera Fatima

بابر اور شاہین نے بچپن میں پاک بھارت میچ دیکھنے کی یادیں شیئر کردیں

Mobeera Fatima

عالمی منڈی میں خام تیل کی قیمتوں میں اضافہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy