Daily Systematic Metro EPaper News National and International Political Sports Religion
اہم خبریںپاکستان

اسلام آباد ہائیکورٹ کا عمران خان کی بشریٰ بی بی سے ملاقات کروانے کا حکم

اسلام آباد ہائیکورٹ نے عید کے موقع پر بانی پی ٹی آئی عمران خان کی اہلیہ بشریٰ بی بی سے ملاقات کروانے کا حکم دے دیا۔

اسلام آباد ہائیکورٹ میں بشریٰ بی بی کی بنی گالا سب جیل سے اڈیالہ جیل منتقلی اور بانی پی ٹی آئی سے ملاقات کی درخواستوں کی سماعت ہوئی۔عدالت نے عید کے موقع پر اور ہفتے میں ایک دن بانی پی ٹی آئی اور بشریٰ بی بی کی ملاقات کروانے کا حکم دیا۔

عدالت نے ریمارکس دئیے کہ حکومت کسی کی نجی پراپرٹی کو سب جیل کیسے قرار دے سکتی ہے ،۔سٹیٹ کونسل نے کہا کہ عدالت کے حکم پر ڈائریکٹر لاء نے بنی گالہ سب جیل کا دورہ کرکے رپورٹ جاری کر دی ہے۔ عدالت نے اسٹیٹ کونسل کو رپورٹ کی کاپی درخواست گزار کو فراہم کرنے کی ہدایت دیتے ہوئے کہا کہ بنی گالہ سب جیل کا دورہ کرنے والی افسر سہولیات سے مطمئن ہوئی ہیں۔

جسٹس میاں گل حسن اورنگزیب نے بشریٰ بی بی کو اڈیالہ جیل منتقل نہ کرنے اور عمران خان سے ملاقات نہ کروانے پراڈیالہ جیل کی انتظامیہ اور چیف کمشنر کی رپورٹ پر اظہار برہمی کرتے ہوئے کہا کہ یہ سب سیاست ہے، تاریخ پر ملزمان کا ملنا، ملنا نہیں ہوتا ،ملاقات کا مطلب علیحدگی میں مناسب ملاقات ہوتا ہے۔

جسٹس میاں گل حسن نے سٹیٹ کونسل سے مکالمے کرتے ہوئے کہا کہ 31 جنوری کی سزا کے بعد 141 نئی خواتین جیل لائی گئیں۔ آپ کہتے تھے جیل اوور کراؤڈڈ ہے۔ آپ کا مطلب ہے کہ بس سیاست ہو۔ کمیونٹی سمجھتی ہے کہ بنی گالہ قید کرکے خیرات دے رہے ہیں۔ ایک طرف کہا جا رہا ہے کہ جگہ کم ،قیدی زیادہ ہیں ، دوسری جانب 141 خواتین کا اندراج کیا گیا۔ نئی خواتین جیل گئیں تو پھر منتقلی نہ کرنے کا جواز تو ختم ہو گیا۔

جسٹس میاں گل حسن نے کہا کہ آپ لوگ عدالت کو مطمئن نہیں کرسکے۔ آپ لوگ تلے ہوئے ہیں کہ رول آف لاء کا انڈیکس صفر پر آ جائے۔ بعد ازاں عدالت نے  آئندہ سماعت پر دلائل طلب کرتے ہوئے سماعت غیر معینہ مدت کے لیے ملتوی کر دی۔

Related posts

سندھ کا اعلیٰ تعلیم بجٹ وفاق سے بھی زیادہ رکھنے کی تجویز

Mobeera Fatima

محمود خان پی ٹی آئی پارلیمنٹرین کے چیئرمین منتخب

Mobeera Fatima

بھارت میں کاسٹنگ ایجنسیاں مکمل معاوضہ نہیں دیتی تھیں، نورا فتحی نے پول کھول دیا

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy