Daily Systematic Metro EPaper News National and International Political Sports Religion
اہم خبریںکھیل

پاک نیوزی لینڈ سیریز چھوڑنے والے کیوی کرکٹرز کیلئے آئی پی ایل میں مواقع کی کمی

رواں ماہ پاک نیوزی لینڈ سیریز کو انڈین پریمیئر لیگ (آئی پی ایل) کی وجہ سے چھوڑنے والے کیوی کھلاڑیوں کو مواقع کی کمی سامنا۔

بیورو رپورٹ(عمران سہیل)

پاکستان اور نیوزی لینڈ کے درمیان ہونے والی سیریز کو چھوڑ کر آئی پی ایل کو فوقیت دینے والے کیویز کھلاڑی پلیئنگ الیون میں جگہ بنانے کیلئے کوشاں ہیں۔ نیوزی لینڈ کے کرکٹرز بھارت میں سیزن کے اچھے آغاز کے لیے میچز کے منتظر ہیں۔

نیوزی لینڈ میڈیا کے مطابق 9 کیوی کرکٹرز اس وقت آئی پی ایل معاہدے پر ہیں جبکہ اب تک 4 ہی کرکٹرز کو میچز کھیلنے کا موقع ملا ہے۔ کیوی کرکٹرز پانی پلانے کے لیے دوڑتے اور صرف پریکٹس کرتے دکھائی دیتے ہیں۔

آئی پی ایل کے قوانین کے مطابق ایک ٹیم میچ کے لیے صرف 4 غیر ملکی کھلاڑیوں کو پلیئنگ الیون میں شامل کر سکتی ہے۔ یہی وجہ ہے کہ نیوزی لینڈ کے کھلاڑیوں کو پلیئنگ الیون کا حصہ بننے کے لیے مشکلات کا سامنا ہے۔

نیوزی لینڈ کرکٹ ٹیم کے کپتان کین ولیمسن اب تک آئی پی ایل میں صرف 2 میچز ہی کھیل سکے جبکہ تین میں ریسٹ کرنا پڑا۔ میچل سینٹنر، ڈیون کانوے، لوکی فرگوسن، گلین فلپس اور میٹ ہنری کو اب تک کوئی میچ نہیں ملا۔

اسی طرح کیوی فاسٹ باؤلر ٹرینٹ بولٹ 4 میچز، رچن رویندرا 5 میچز اور نیوزی لینڈ کے سب سے مہنگے پلیئر ڈیرل میچل پانچ کے پانچ میچز کھیل چکے ہیں۔

خیال رہے کہ پاکستان اور نیوزی لینڈ کے درمیان 5 میچز پر مشتمل ٹی ٹوئںٹی سیریز کا آغاز 18 اپریل سے ہوگا۔ سیریز کے لیے نیوزی لینڈ نے اسکواڈ کا اعلان پہلے ہی کر رکھا ہے جس میں صرف چند ہی بڑے نام شامل ہیں جبکہ سینیئر کرکٹرز آئی پی ایل میں مصروف ہونے کے باعث ٹیم کا حصہ نہیں۔

Related posts

قوم کو جلد خوشخبری ملے گی،نائب وزیراعظم

Mobeera Fatima

مارگلہ ہلز پر آگ لگانے کے شک میں 3 افراد گرفتار

Mobeera Fatima

لاہور ہائیکورٹ کے باہر شدید ہنگامہ آرائی، وکلاء پر پولیس کا لاٹھی چارج

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy