Daily Systematic Metro EPaper News National and International Political Sports Religion
اہم خبریںپاکستان

دوسری شادی کیلئے پہلی بیوی سے اجازت کا قانون فیڈرل شریعت کورٹ میں چیلنج

لاہور ، شہری نے دوسری شادی کیلئے پہلی بیوی سے اجازت لینے کا قانون فیڈرل شریعت کورٹ میں چیلنج کر دیا۔

شہری کی جانب سے فیڈرل شریعت کورٹ لاہور رجسٹری میں درخواست دائر کی گئی ہے جس میں وزرات قانون،اسلامی نظریاتی کونسل سمیت دیگر کو فریق بنایاگیا۔

درخواست کے مطابق دوسری شادی کے لیے پہلی بیوی سے اجازت کا قانون خلاف اسلام ہے، آئین کے مطابق اسلامی اصولوں کے خلاف کوئی قانون نہیں بن سکتا اور کوئی بھی خلاف اسلام قانون بنےتو فیڈرل شریعت کورٹ میں چیلنج ہو سکتا ہے۔

شہری نے درخواست میں موقف اختیار کرتے ہوئے کہا کہ ریسرچ کے مطابق 35 سال سے بڑی عمر کی ایک کروڑ خواتین شادی کی منتظر ہیں، میری عدالت سے استدعا ہے کہ دوسری شادی کیلئے بیوی سے اجازت کے قانون کو کالعدم قرار دے ۔

خیال رہے کہ گزشتہ ماہ پشاورفیملی کورٹ نے اہلیہ کی اجازت کے بغیر دوسری شادی کرنے پر شوہر کو تین ماہ قید کی سزا سنا دی تھی۔ جج غلام حامد نے پہلی بیوی کی اجازت کے بغیر دوسری شادی کرنےوالے شوہر کو مجرم قرار دیتے ہوئے 3 ماہ قید اور 5 ہزار جرمانے کی سزا سنائی تھی۔

عدالتی فیصلے کے بعد مجرم کو کمرہ عدالت سے گرفتار کر کے سینٹرل جیل منتقل کر دیا گیاتھا۔ بیوی نے شوہر کے خلاف 2022 میں کیس دائر کیا تھا۔

Related posts

کراچی آلودہ ترین شہروں میں چھٹے نمبر پر، فضائی معیار مضر صحت قرار

Mobeera Fatima

ملالہ یوسفزئی نے فلم پروڈیوسر بننے کے بعد اداکاری کی دنیا میں بھی قدم جمالیے

Mobeera Fatima

معیشت مضبوط اور ملک درست سمت میں جا رہا ہے، سروے

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy