Daily Systematic Metro EPaper News National and International Political Sports Religion
اہم خبریںکھیل

لیجنڈری فٹبالر ٹونی کروس نے ریٹائرمنٹ کا اعلان کردیا

جرمن فٹبال ٹیم اور ریال میڈرڈ کلب کے لیجنڈری کھلاڑی ٹونی کروس نے ریٹائرمنٹ کا اعلان کر دیا۔

انسٹاگرام پر اپنے آفیشل اکاؤنٹ سے جاری کردہ پوسٹ میں 34 سالہ فٹبالر نے اپنی زندگی کے اس بڑے فیصلے کا اعلان کیا۔ اپنے اس جذباتی پیغام میں انہوں نے 2014 کی اس وقت کی تصویر شیئر کی جب انہوں نے ریال میڈرڈ کو جوائن کیا تھا۔

انہوں نے اپنے پیغام میں کہا کہ ‘مجھے یقین ہے کہ یہ درست فیصلہ ہے، میں اپنے کیرئیر کو بہترین طریقے سے ختم کرنا چاہتا تھا اور یہ سیزن میرے بہترین سیزنز میں سے ایک رہا ہے۔ میں چاہتا ہوں کہ آپ مجھے اسی طرح یاد رکھیں جیسے میں ابھی ہوں۔’

ٹونی کروس کلب فٹبال میں اپنا آخری اور بڑا میچ 2 جون کو لندن کے ویمبلے اسٹیڈیم میں بروشیا ڈورٹمنڈ کے خلاف کھیلیں گی۔ ٹونی کروس کے لیے اس میچ کی اہمیت اس لیے بھی زیادہ ہے کہ یہ یو ای ایف اے چیمپیئنز لیگ کا فائنل ہے۔

خیال رہے کہ اسٹار فٹبالر کا 10 سال کے عرصے پر محیط قومی کیرئیر موسم گرما میں یورو میں جرمنی کی نمائندگی کرنے کے بعد اپنے اختتام کو پہنچ جائے گا۔

کلب کیریئر کی بات کی جائے تو ٹونی کروس نے اپنے سفر کا آغاز بائرن میونخ سے کیا جہاں انہوں نے تین بنڈس لیگا ٹائٹل اور یو ای ایف اے چیمپئنز لیگ جیتی۔ بعد ازاں ریئل میڈرڈ کے ساتھ 2014 میں سفر کا آغاز کیا تو کُل 21 بڑی ٹرافیاں اپنی ٹیم کو جتوائیں۔

Related posts

طلبہ کو الیکٹرک بائیکس دینے کا معاملہ، لاہور ہائیکورٹ نے پنجاب حکومت کو روک دیا

Mobeera Fatima

ملک بھر میں شدید گرمی کی لہر برقرار ، لوگوں کا برا حال

Mobeera Fatima

ساڑھے 4 سال ٹیکس کی مد میں کھربوں کا نقصان کرنے والوں کا احتساب ہوگا، وزیراعظم

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy