Daily Systematic Metro EPaper News National and International Political Sports Religion
اہم خبریںپاکستان

نواز شریف نے پارٹی صدارت کی امانت مجھے سونپی تھی، واپس لوٹا رہا ہوں، شہباز شریف

وزیراعظم شہباز شریف نے کہا ہے کہ صدر مسلم لیگ ن کے عہدے کو ہمیشہ ایک امانت سمجھا ہے جسے اپنے قائد کو واپس لوٹا رہا ہوں۔

وزیراعظم نے بطور مسلم لیگ ن صدر استعفیٰ دیتے ہوئے لکھا کہ پارٹی اصولوں اور اقدار کے ساتھ پختہ وابستگی کا اعادہ کرتے ہوئے جماعت کی تاریخ کے اہم موقع پر یہ تحریر لکھ رہا ہوں۔

شہباز شریف کا کہنا تھا کہ 2017 میں قائد محمد نواز شریف سے ناحق وزارت عظمی اور جماعت کی صدارت چھین لی گئی۔ ہماری جماعت اور قیادت نے تمام مشکلات کا جرات اور ثابت قدمی سے مقابلہ کیا۔

انہوں نے کہا کہ آزمائش کے دور میں قائد محمد نواز شریف نے جماعت کی صدارت کی امانت مجھے سونپی تھی۔ پوری دیانتداری اور جذبے سے یہ فرض ادا کرنے کی کوشش کی۔

سابق لیگی صدر نے کہا کہ میرے محبوب قائد کی بریت اُن کے باوقار کردار اور قوم کی خدمت کے بے داغ ماضی کی گواہی ہے۔ اس عہدے کو ہمیشہ ایک امانت سمجھا ہے جسے اپنے قائد کو واپس لوٹا رہا ہوں کہ وہ ملک اور جماعت کی رہنمائی فرمائیں۔

انہوں نے مزید کہا کہ 2024 کے عام انتخابات کے بعد جماعت نے مجھے وزیراعظم بنایا، اپنے محبوب قائد محمد نواز شریف سے غیر متزلزل وفاداری کا عہد دوہراتا ہوں۔

خیال رہے کہ وزیراعظم محمد شہباز شریف نے پارٹی صدارت سے استعفی دے دیا ہے۔

Related posts

چینی، آٹا، گھی، دالوں اور چاول پر مستحقین کے لیے سبسڈی دینے کا فیصلہ

Mobeera Fatima

بلوچستان کے مختلف علاقوں میں گرج چمک کے ساتھ موسلادھار بارش

Mobeera Fatima

مارچ میں مہنگائی میں ریکارڈ اضافہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy