Daily Systematic Metro EPaper News National and International Political Sports Religion
اہم خبریںپاکستان

علی امین گنڈاپور کو سالانہ گوشواروں میں غلط بیانی پر نوٹس جاری

الیکشن کمیشن نے علی امین گنڈاپور کو سالانہ گوشواروں میں غلط بیانی پر نوٹس جاری کردیا ہے۔

الیکشن کمیشن آف پاکستان نے علی امین گنڈاپور کو کل ذاتی حیثیت میں الیکشن کمیشن سیکریٹریٹ طلب کرلیا ہے۔

نوٹس میں کہا گیا ہے کہ علی امین گنڈاپور الیکشن کمیشن پیش ہوکر اثاثوں سے متعلق وضاحت دیں۔

الیکشن کمیشن کے مطابق علی امین گنڈاپور نےالیکشن 2024 کیلئے جمع کرائے سالانہ گوشواروں میں غلط بیانی کی۔

قبل ازیں ڈسٹرکٹ اینڈ سیشن کورٹس اسلام آباد نے تھانہ بنی گالا میں درج مقدمے میں وزیر اعلی خیبر پختونخوا علی امین گنڈا پور سمیت تمام ملزمان کو بری کر دیا۔

سول جج قدرت اللہ نے کیس کی سماعت کی، مدعی مقدمہ عامر زمان اپنے وکیل رضوان اعظم عباسی کے ہمراہ عدالت کے روبرو پیش ہوئے۔

مدعی نے عدالت کو بتایا کہ وقوعے میں زخمی ہونے والا بندہ ملک سے باہر ہے، عدالت نے مدعی کو ہدایت دی کہ اس کی اسکائپ آئی ڈی دیں۔ عدالت نے اسکائپ کے ذریعے فائرنگ کے نتیجے میں زخمی ہونے والے شخص کا بیان ریکارڈ کرانے کی ہدایت کر دی۔

وکیل مدعی نے عدالت کو بتایا کہ علی امین گنڈا پور 109 کی حد تک تھے، ان سے کمپرومائز ہو چکا ہے، نامزد ملزمان کو بھی معاف کر دیا ہے۔

عدالت نے بیرون ملک ہونے کے باعث متاثرہ شخص محمد ولید کا آن لائن بیان لیتے ہوئے استفسار کیا کہ اس مقدمے میں آپ نے راضی نامہ کر لیا ہے، جس پر محمد ولید نے بیان دیا کہ جی میں نے فی سبیل اللہ معاف کر دیا ہے۔ بعد ازاں عدالت نے علی امین گنڈا پور سمیت تمام ملزمان کو بری کیا۔

Related posts

رؤف حسن پر حملہ، آئندہ ایسا ہوا ملک بھر میں احتجاج کریں گے، عمر ایوب

Mobeera Fatima

متحدہ عرب امارات میں بارش کے باعث اموات کی تعداد بڑھ کر 4 ہو گئی

Mobeera Fatima

اسپین نے فلسطین کو بطور آزاد ریاست تسلیم کرلیا، فوری جنگ بندی کا مطالبہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy