Daily Systematic Metro EPaper News National and International Political Sports Religion
اہم خبریںپاکستان

سیاحتی مقامات پر عید کے دو دنوں میں ایک لاکھ 74 ہزار سیاح اُمڈ آئے

 

سیاحتی مقامات پر عیدالفطر کے دنوں میں اضافہ دیکھنے میں آیا، پہلے دو دنوں میں ایک لاکھ 74 ہزار سیاح اُمڈ آئے۔

ٹورازم اتھارٹی کے مطابق سب سے زیادہ گلیات میں 91 ہزار سے زائد سیاح پہنچے۔ مالم جبہ میں دو دنوں کے دوران 41 ہزار سے زائد سیاح جبکہ ناران، کاغان، کمراٹ میں بھی ہزاروں سیاح آئے۔

مشیر سیاحت زاہد چن زیب کا اس حوالے سے کہنا تھا کہ گزشتہ سال کی نسبت سیاحوں کی آمد میں اضافہ ہوا ہے۔ سیاحوں کو ٹورازم ہیلپ لائن کے ذریعے معلومات فراہم کی جاتی ہیں۔

انہوں نے مزید کہا کہ ٹورازم پولیس سیاحتی مقامات پر ڈیوٹی سرانجام دے رہی ہے۔

دوسری طرف عید الفطر کے دوسرے روز سیاحوں کی بڑی تعداد نے ملکہ کو ہسار کا رخ کیا، 7 ہزار سے زاہد گاڑیاں مری میں داخل ہوئیں۔ چیف ٹریفک آفیسر راولپنڈی تیمور خان نے بتایا کہ تنگ سڑک ہونے کے باوجود مری کی تمام شاہراہوں پر ٹریفک رواں دواں ہے۔

خیال رہے کہ عید الفطر کے موقع پر ملک کے مختلف شہروں میں بارشوں سے میٹھی عید ٹھنڈی ہوگئی جس کی وجہ سے کئی شہریوں نے پہاڑی علاقوں کا رخ کیا۔ خطہ پوٹھوہار، شمال مشرقی پنجاب، بالائی خیبر پختونخوا اور کشمیر میں چند مقاما ت پر تیز ہواؤں اور گرج چمک کے ساتھ بارش ہوئی۔

Related posts

سابق چیئرمین پی ٹی آئی کیلئے معافی کی پیشکش موجود ہے، خواجہ آصف

Mobeera Fatima

اسلام آباد ہائی کورٹ کا لاپتہ افراد کے تمام کیسز براہ راست نشر کرنے کا حکم

Mobeera Fatima

نیتن یاہو اگر ملک میں داخل ہوئے تو گرفتار کر لیا جائے گا، جرمنی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy