Daily Systematic Metro EPaper News National and International Political Sports Religion
اہم خبریںپاکستان

پاکستان قیمتی پتھر کے ذخائر سے مالامال پانچواں بڑا ملک ہے، ثاقب رفیق

راولپنڈی چیمبر آف کامرس کے صدر ثاقب رفیق نے کہا ہے کہ پاکستان قیمتی پتھر کے ذخائر سے مالامال پانچواں بڑا ملک ہے۔

معدنیات کا مجموعی ملکی پیداوار میں حصہ صرف تین فیصد ہے، غیرروایتی شعبوں کو ترقی دے کر ایکسپورٹ اہداف کو پورا کیا جاسکتا ہے، سٹرٹیجک ٹریڈ فریم ورک پر نظرثانی کی ضرورت ہے۔

چیمبر ہاؤس میں جیمز اینڈ جیولری کے حوالے سے انٹرنیشنل ورکشاپ برائے ٹیکنیکل ایکسپرٹ سروس پروگرام کے شرکاء سے گفتگو کرتے ہوئے ثاقب رفیق نے کہا کہ غیر معروف شعبوں جیسے جیمز سٹون اور جیولری میں کئی مواقع موجود ہیں۔

ان کا کہنا تھا کہ ویلیو ایڈیشن کے ذریعے اس شعبے کو مزید ترقی دی جاسکتی ہے، بین الاقوامی معیار کے مطابق اپنی مصنوعات کا جدید کٹنگ اور پالش کے ذریعے بیرون ملک برآمد کیا جاسکتا ہے، حکومت تحقیق، جدید مشینری کے حصول، ویلیو ایڈیشن کے لیے نجی شعبے کو سہولیات دے۔

اس موقع پر نائب صدر فیصل شہزاد، سابق نائب صدر فیاض قریشی، چیمبر ممبران سمیت این پی او اور اے پی او جاپان اور تھائی لینڈ کے نمائندے بھی موجود تھے۔

ایکسپرٹ سروس پروگرام کا مقصد جیمز سٹون مصنوعات پر بین الاقوامی معیارات، کٹنگ، پالش اور ڈیزائننگ کے بارے میں جامع معلومات فراہم کرنا تھا تاکہ شرکاء کو ویلیو ایڈیشن، جدت اور تجارت کے بارے میں آگاہی حاصل ہو سکے۔

Related posts

زندہ رہا تو 10 دن میں فیصلہ کرونگا، دورانِ عدت نکاح کیس میں جج کے ریمارکس

Mobeera Fatima

وفاقی حکو مت نے اقتصادی سروے رپورٹ جاری کردی

Mobeera Fatima

اسلام آباد میں 18 مئی تک بارشوں کی پیش گوئی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy