Daily Systematic Metro EPaper News National and International Political Sports Religion
اہم خبریںکھیل

پاک نیوزی لینڈ سیریز، قومی اسکواڈ کا اعلان کل پریس کانفرنس میں متوقع

پاک نیوزی لینڈ سیریز کے لیے پاکستان کرکٹ ٹیم کے اسکواڈ کا اعلان کل متوقع ہے، ٹیم میں عثمان خان اور محمد عامر کو شامل کیے جانے کا امکان ہے۔

بیورو رپورٹ(عمران سہیل)

پاکستان اور نیوزی لینڈ  کے درمیان 18 اپریل سے شروع ہونے والی سیریز کے لیے پاکستانی ٹی ٹوئنٹی اسکواڈ کا اعلان کل ہونے کا امکان ہے۔ قومی اسکواڈ کے 18 ناموں کا اعلان سلیکٹرز پریس کانفرنس میں کریں گے۔

ٹیم مینجمنٹ کا اعلان بھی ایک دو روز میں متوقع ہے جبکہ ٹیم مینجمنٹ کے غیر ملکی ہیڈ کوچز کا اعلان 15 اپریل کے بعد کیا جائے گا۔ اسی طرح اسسٹنٹ کوچ کا اعلان 20 اپریل کے بعد ہوگا، سیریز میں لوکل کوچز کی خدمات حاصل کی گئی ہیں۔

ذرائع کا کہنا ہے کہ قومی اسکواڈ میں قومی کرکٹر عثمان خان، عماد وسیم، محمد عامر اور عرفان نیازی کو شامل کیے جانے کا امکان ہے۔ صائم ایوب، شاداب خان، افتخار احمد کو بھی اسکواڈ کا حصہ بنایا جائے گا۔

دیگر نئے کھلاڑیوں میں زمان خان، ابرار احمد اور اسامہ میر کو بھی نیوزی لینڈ سیریز میں موقع دیا جائے گا۔ آغا سلمان، صاحبزادہ فرحان، وسیم جونیئر، عباس آفریدی کی شمولیت کا بھی امکان ہے۔

اس حوالے سے چیئرمین پاکستان کرکٹ بورڈ (پی سی بی) محسن نقوی نے میڈیا سے گفتگو کرتے ہوئے کہا ہے کہ 9 اپریل کو نیوزی لینڈ کے خلاف سیریز کے لیے اسکواڈ کا اعلان کر دیں گے۔

محسن نقوی نے مزید کہا کہ عثمان خان پاکستان کے لیے اہل ہیں اور وہ کھیلیں گے۔ نیوزی لینڈ کے خلاف سیریز میں غیر ملکی کوچز کی دستیابی کا دارومدار انکے ساتھ کنٹریکٹ پر ہے۔

Related posts

پٹرولیم لیوی 60 سے بڑھا کر 80 روپے فی لٹر کئے جانیکا امکان

Mobeera Fatima

مرغی، سبزی اور فروٹ کے نئے نرخ مقرر، مہنگائی کی شرح میں اضافہ

Mobeera Fatima

ایبٹ آباد، 77 سال سے پکی سڑک کے منتظر دکھن پیسر کے رہائشیوں نے اپنی مدد آپ کام شروع کردیا

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy