Daily Systematic Metro EPaper News National and International Political Sports Religion
اہم خبریںپاکستان

عام صارفین کیلئے چینی کی فی کلو قیمت 155 روپے مقرر

وزیر اعظم کے ریلیف پیکج کے تحت یوٹیلیٹی اسٹورز نے 10 ہزار میٹرک ٹن چینی خرید لی۔

ذرائع کے مطابق یوٹیلیٹی اسٹورزنے 141 روپے20 پیسےفی کلو کےحساب سے چینی خریدی ہے۔ ذرائع نے بتایا ہے کہ چینی کے اخراجات ملا کر کارپوریشن کو فی کلو تقریباً 156 روپے میں پڑے گی۔

ذرائع کے مطابق یوٹیلیٹی اسٹورز نے 45 ہزار میٹرک ٹن چینی کا ٹینڈرجاری کیا تھا جبکہ 10 ہزار میٹرک ٹن کی چینی کیلئے بولی موصول ہوئی تھی۔

ذرائع نے مزید بتایا کہ یوٹیلیٹی اسٹورز پر بی آئی ایس پی حکام نے صارفین کیلئے چینی کی فی کلو قیمت 109 روپے جبکہ عام صارفین کیلئے چینی کی فی کلو قیمت 155 روپے مقرر کی گئی ہے۔

دوسری جانب گزشتہ ہفتے یوٹیلیٹی اسٹورز پر آٹا، چینی، چاول اوپن مارکیٹ سے مہنگا فروخت کیے جارہے تھے۔ یوٹیلیٹی اسٹورز پر 20 کلو آٹے کا تھیلا اوپن مارکیٹ سے 860 روپے مہنگا یعنی 2840 روپے میں فروخت کیا جا رہا تھا۔

اوپن مارکیٹ میں 20 کلو آٹے کا تھیلا 1980 روپے میں دستیاب ہے۔ اسی طرح چینی یوٹیلیٹی اسٹورز پر اوپن مارکیٹ کی نسبت 11 روپے سے زائد مہنگی بیچی جارہی تھی۔

یوٹیلیٹی اسٹورز پر چینی 155 روپے کلو اور اوپن مارکیٹ میں 144 روپے کلو میں دستیاب ہے۔ اسی طرح سیلا چاول یوٹیلیٹی اسٹورز پر اوپن مارکیٹ کے مقابلے میں 31 روپے مہنگے ہیں۔

اوپن مارکیٹ میں چاول 314 روپے میں دستیاب ہیں جبکہ یوٹیلیٹی اسٹورز پر 345 روپے میں فروخت کیے جا رہے تھے۔

Related posts

اسلام آباد ہائیکورٹ کے حکم پر تحریک انصاف کا مرکزی سیکرٹریٹ ڈی سیل

Mobeera Fatima

مری میں کئی غیر قانونی پلازے اور دیگر تعمیرات منہدم ، آپریشن کرنیوالی ٹیم پر حملہ

Mobeera Fatima

نواز شریف پھر مسلم لیگ ن کی صدارت سنبھالیں گے ، سعد رفیق کو سیکرٹری جنرل بنائے جانیکا امکان

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy