Daily Systematic Metro EPaper News National and International Political Sports Religion
اہم خبریںپاکستان

وزیراعظم شہباز شریف کا کویتی ہم منصب سے ٹیلیفونک رابطہ

وزیرِ اعظم شہباز شریف اور کویت کے وزیراعظم شیخ محمد صباح آلسالم آلصباح کا ٹیلیفونک رابطہ، دونوں رہنماؤں نے عید الفطر کی مبارکباد دی۔

شہباز شریف کو کویت کے وزیراعظم شیخ محمد صباح آلسالم آلصباح نے عید الفطر کی مبارکباد دی جس پر انہوں نے کویتی قیادت کا شکریہ ادا کیا۔ وزیراعظم شہباز شریف نے پاکستان اور کویت کے مابین دیرینہ و تاریخی برادرانہ تعلقات پر روشنی ڈالی۔

دورانِ گفتگو شہباز شریف نے پاکستان کویت دوطرفہ تعلقات کی مضبوطی کو عوام کے لیے باہمی طور پر مفید شراکت داری میں بدلنے کے عزم کا اعادہ بھی کیا۔ شہباز شریف نے پاکستان اور کویت کے مابین اقتصادی اور تجارتی تعاون کے فروغ کی ضرورت پر زور دیا۔

شہباز شریف کی جانب سے دونوں ممالک کے درمیان دستخط شدہ معاہدوں اور مفاہمتی یادداشتوں پر جلد عملدرآمد کی یقین دہانی کروائی گئی۔ دونون رہنماؤں نے پاکستان اور کویت کے عوام کی سلامتی اور خوشحالی، امتِ مسلمہ کے مابین بھائی چارے کی دعا کی۔

اس موقع پر دونوں رہنماؤں نے باالخصوص نہتے فلسطینی بہن بھائیوں پر جاری اسرائیلی ظلم و جبر کے خاتمے کی بھی دعا کی۔ کویت کے وزیراعظم نے پاکستان کے عوام کے لیے نیک خواہشات کا اظہار کیا۔

Related posts

کوسٹ گارڈ کی گوادر میں کارروائی ، اربوں روپے کی منشیات برآمد

Mobeera Fatima

وزیراعظم کی 200 یونٹس استعمال کرنیوالوں کیلئے ٹیرف میں اضافہ نہ کرنے کی ہدایت

Mobeera Fatima

ورلڈ بینک کا پاکستان سے بجلی اور گیس کی قیمت میں مزید اضافے کا مطالبہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy