Daily Systematic Metro EPaper News National and International Political Sports Religion
اہم خبریںدنیا

قائرہ: حماس اور اسرائیل کے درمیان مذاکرات، عید کے موقع پر جنگ بندی کا امکان

حماس اور اسرائیل کے درمیان مصر کے دارالحکومت قاہرہ میں غزہ جنگ بندی سے متعلق مذاکرات جاری ہیں، اس دوران اسرائیلی فوج جنوبی غزہ سے دستبردار ہوگئی ہے۔

سعودی خبر رساں ادارے کے مطابق مصر اور قطر کی ثالثی میں اسرائیل اور حماس کے درمیان ہونے والے مذاکرات میں اہم پیشرفت سامنے آئی ہے۔ فریقین کے درمیان بنیادی اور متنازع نکات پر اتفاق ہوگیا ہے۔

رپورٹ میں بتایا گیا ہے کہ مذاکرات میں سی آئی اے چیف، موساد کے سربراہ رونن بار اور قطری وزیراعظم نے بھی شرکت کی۔ حماس اور اسرائیل دونوں نے اپنے اپنے وفود کی مذاکرات میں شرکت کی تصدیق کردی ہے۔

مذاکرات میں معاہدے کے بنیادی نکات پر اتفاق کے بعد قطر اور حماس کے وفود واپس روانہ ہو گئے ہیں جبکہ امریکا اور اسرائیل کے وفود کچھ گھنٹوں بعد روانہ ہوں گے۔

غزہ جنگ بندی پر ہونے والے مذاکرات سے متعلق اسرائیلی اخبار نے مصری ذرائع کے حوالے سے بتایا ہے کہ عید کے موقع پر جنگ بندی ہوسکتی ہے۔ اس کے برعکس حماس سمیت مذاکرات میں شامل دیگر فریقین نے مصری ٹی وی کی مذاکرات میں پیشرفت سے متعلق خبر پر کوئی تبصرہ نہیں کیا ہے۔

دوسری طرف اسرائیلی وزیراعظم نیتن یاہو نے اعلان کیا ہے کہ قیدیوں کی واپسی تک جنگ بندی نہیں کی جائے گی۔ تاہم اسرائیل میں اس وقت نیتن یاہو کے خلاف احتجاجی مظاہرے شدت اختیار کرگئے ہیں۔

خیال رہے کہ غزہ پر اسرائیلی حملوں کو 6 ماہ مکمل ہونے کے بعد شہداء کی تعداد 33 ہزار سے تجاوز کر گئی ہے۔ شہید فلسطینیوں میں 13 ہزار سے زائد تعداد بچوں کی ہے جبکہ 2 سال سے کم عمر کے 31 فیصد بچے شدید غذائی قلت کا شکار ہیں۔

اسرائیلی حملوں میں اب تک غزہ کی 70 فیصد آبادی بے گھر، 56 فیصد عمارتیں تباہ اور 227 مساجد کو شہید کیا گیا ہے۔ قابض فورسز نے مغربی کنارے پر 456 سے زائد فلسطینی شہید کیے۔

Related posts

خیبر ، مزدوروں کا روپ دھار کر 8 اسمگلر گرفتار ، کروڑوں کی منشیات برآمد

Mobeera Fatima

سابق چیئرمین پی ٹی آئی نے ڈیل کی تو شہباز شریف بن جائیں گے ، فواد چوہدری

Mobeera Fatima

پی پی 137 سے ن لیگ کے رانا ارشد کی جیت کا نوٹیفکیشن کالعدم قرار

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy