Daily Systematic Metro EPaper News National and International Political Sports Religion
اہم خبریںپاکستان

ملک میں سولر پینلز مزید سستے ہو گئے

ملک میں سولر پینلز مزید سستے ہوگئے ہیں، فی واٹ قیمت 40 روپے یا اس سے نیچے تک آ گئی ہے۔

موقر قومی اخبار کی رپورٹ کے مطابق سولر پینلز کے ڈیلرز کے مطابق مختلف اقسام اور برانڈز کے سولر پینل کے اوسط ریٹس 37 روپے تک گر گئے ہیں۔

بہت زیادہ سپلائی ہونے کی وجہ سے ریٹس کریش ہوگئے ہیں، چھ ماہ میں سولر پینلز کی قیمتوں میں 30 فیصد تک کمی ہوئی ہے۔

بی بی سی کی رپورٹ کے مطابق پاکستان میں سورج کی روشنی سے بجلی پیدا کرنے والے سولر سسٹمز کی طلب میں تیزی سے اضافہ دیکھنے میں آ رہا ہے۔

سرکاری اعداد و شمار کے مطابق گذشتہ ایک سال میں مکانات کی چھتوں پر سولر پینلز کی تنصیب میں اتنا اضافہ ہوا ہے جتنے اس سے پہلے دس برس میں نہیں ہوا تھا۔

گذشہ برس مارچ تک پاکستان میں شمسی توانائی سے کل پیداوار ایک ہزار میگا واٹ تھی اور رواں برس مارچ تک یہ 1800 میگا واٹ سے زیادہ ہو چکی ہے۔

لاہور میں ایک ڈیلر کا کہنا تھا کہ پاکستان میں جس رفتار سے سولر کی قیمتوں میں کمی ہو رہی ہے اور لوگ خرید رہے ہیں اس سے تو لگتا ہے عنقریب سولر پینلز ریڑھیوں پرفروخت ہوں گے۔

ڈیلر کا کہنا تھا کہ اس وقت سولر پینل کی قیمت پاکستان میں تاریخ کی کم ترین سطح پر ہے، اس کی وجہ سے سولر سسٹم لگانے کا خرچ گذشتہ چند ماہ میں مسلسل کم ہوا ہے۔ سولر پینلز مزید سستے ہونےکی توقع ہے۔

Related posts

پنجاب کا کینسر کا پہلا سرکاری اسپتال 240بستروں پر مشتمل ہوگا، وزیر صحت پنجاب

Mobeera Fatima

عید الاضحیٰ پر قیدیوں کی سزائوں میں کمی اور رہائی کی سمری تیار

Mobeera Fatima

پرویز خٹک کا سیاست میں واپس آنے کا فیصلہ ، مختلف جماعتوں سے رابطے

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy