Daily Systematic Metro EPaper News National and International Political Sports Religion
اہم خبریںکھیل

ٹی ٹوئنٹی ورلڈ کپ، نیویارک اسٹیڈیم میں رنز کے طوفان کی پیشگوئی

نیویارک اسٹیڈیم میں رنز کے طوفان کی پیشگوئی کردی گئی، نیویارک کا نیساؤ کاؤنٹی اسٹیڈیم جون میں شیڈول ٹی 20 ورلڈکپ کے 8 میچز کی میزبانی کرے گا۔

اس میں 9 جون کو پاکستان اور بھارت کا ہائی وولٹیج مقابلہ بھی شامل ہے، ایڈیلیڈ اوول آسٹریلیا کے چیف کیوریٹر ڈیمن ہوف اپنی کنسلٹنسی فرم بھی شروع کرچکے، انھوں نے 2022 میں پاکستان میں بھی پچز کے حوالے سے مشاورت فراہم کی تھی۔

ہوف کا کہنا تھا کہ ایک روز مجھے آئی سی سی کی جانب سے فون کال موصول ہوئی کہ کیا میں امریکا میں ورلڈکپ کے لئے پچز کی تیاری میں دلچسپی رکھتا اور دستیاب ہوں۔

سب سے پہلے مجھے درپیش چیلنجز کا خیال آیا کیونکہ 12 ماہ کا مختصر وقت اور موسمی چیلنجز کا بھی سامنا تھا، اس کے باوجود میں نے اور میری ٹیم نے یہ چیلنج قبول کیا، ہم نے فلوریڈا میں ڈراپ ان پچز تیار کیں کیونکہ وہاں پر موسم سردیوں میں امریکا کے دیگر علاقوں کی بانسبت بہتر تھا۔

ان کا کہنا تھا کہ نیویارک کے بہت زیادہ سرد موسم میں پچز تیار نہیں ہوسکتی تھیں، ہم نے ان پچز پر امریکا میں برمودا کے نام سے مشہور گھاس لگائی، سب سے بڑا چیلنج ان پچز کو فلوریڈا سے نیویارک منتقل کرنا تھا۔

2 ہزار کلومیٹر کا فاصلہ طے کرنے میں دو روز لگنے تھے، ہم ان پچز کو بڑے ٹرالرز پر لے کر آئے، راستے میں مختلف موسمی صورتحال تھیں، ہمارا تجربہ ایڈیلیڈ میں ان پچز کو صرف 2 کلومیٹر تک لے جانے کا تھا مگر زندگی میں آپ ہر کام کبھی پہلی بار ہی کرتے ہیں۔

Related posts

اسٹاک ایکسچینج میں نیا ریکارڈ بن گیا ، پہلی مرتبہ 73 ہزار کی حد عبور کر لی

Mobeera Fatima

عدالت کے حکم پر بشریٰ بی بی کا نجی اسپتال میں میڈیکل چیک اپ

Mobeera Fatima

پنجاب کی کارکردگی حوصلہ افزاء ، دیگر صوبے بھی بجلی چوری روکنے کیلئے اقدامات کریں ، وزیر اعظم

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy