Daily Systematic Metro EPaper News National and International Political Sports Religion
اہم خبریںپاکستان

سربندر میں دہشتگردوں کا سوئے ہوئے مزدوروں پر حملہ ، 7 جاں بحق

گوادرمیں نامعلوم مسلح افراد نے سربندرمیں رہائشی کوارٹر میں سوئے ہوئے مزدوروں پر حملہ کر دیاٗ، جس سے پنجاب سے تعلق رکھنے والے 7 مزدور جاں بحق ہو گئے۔

ترجمان بلوچستان حکومت نے واقعہ کی تصدیق کی ہے،ایس ایچ او کے مطابق دہشت گردوں نے کوارٹرز میں سوئے ہوئے افراد پر فائرنگ کی، جس سے سات افراد جاں بحق اور ایک زخمی ہو گیا۔

فائرنگ کا واقعہ فش ہاربرجیٹی کے قریب رہائشی کوارٹرزمیں پیش آیا،متعلقہ تھانے کے ایس ایچ او کا کہنا تھا کہ زخمی کو اسپتال منتقل کر دیا گیا ہے، جاں بحق ہونے والے افراد کا تعلق خانیوال سے ہے۔

انتظامی افسران وقوعہ پر پہنچ گئے ہیں اور جاں بحق مزدوروں کے اہل خانہ سے رابطہ کیا جاررہا ہے،ابتدائی تفصیلات کے مطابق جاں بحق و زخمی افراد سربندر میں حجام کی دکان پر کام کرتے تھے۔

صوبائی وزیر داخلہ میر ضیا لانگو نے مزدوروں پر حملہ کے واقعہ کی رپورٹ طلب کرلی ہے، ان کا کہنا تھا کہ دہشت گردوں سے سختی سے نمٹیں گے، انہوں نے اس عزم کا اظہار کیا کہ ملوث دہشت گردوں کو کیفر کردار تک پہنچایا جائے گا۔

وفاقی وزیرداخلہ محسن نقوی نے اس افسوسناک واقعہ پر گہرے دکھ اورافسوس کا اظہار کیا ہے۔ان کا کہنا تھا کہ دکھ کی گھڑی میں غمزدہ خاندانوں کے ساتھ کھڑے ہیں۔

وزیر اعلٰی بلوچستان سرفراز بگٹی کا واقعہ پر افسوس کا اظہار کرتے ہوئے کہنا تھا کہ گوادر میں بے گناہ مزدوروں کا قتل کھلی دہشت گردی ہے۔

Related posts

شیخ جعفر مندوخیل نے گورنر بلوچستان کے عہدے کا حلف اٹھا لیا

Mobeera Fatima

جج شاہ رخ ارجمند کی درخواست منظور ، عدت نکاح کیس دوسری عدالت کو منتقل

Mobeera Fatima

آرمی چیف جنرل عاصم منیر سے ترکیہ کے وزیر خارجہ کی ملاقات ، باہمی تعلقات پر اطیمنان کا اظہار

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy