Daily Systematic Metro EPaper News National and International Political Sports Religion
اہم خبریںکھیل

برطانوی کرکٹ ٹیم کے کپتان نے تنگ آ کر اپنا نام ہی تبدیل کر لیا

لندن: انگلش ٹیم کے کپتان جوز بٹلر نے ہمیشہ غلط نام سے پکارے جانے پر تنگ آ کر اپنا نام ہی تبدیل کر لیا۔

بیورو رپورٹ(عمران سہیل)

انگلش کرکٹ بورڈ نے ویڈیو شیئرنگ ایپ انسٹا گرام پر ایک ویڈیو شیئر کی جس میں جوز بٹلر کئی سالوں سے اپنا نام غلط طریقے سے لکھے اور پکارے جانے پر گلہ کرتے نظر آ رہے ہیں۔

انہوں نے کہا کہ میں انگلینڈ کی کرکٹ ٹیم کا کپتان جوز بٹلر ہوں لیکن پوری زندگی مجھے غلط نام سے ہی پکارا جاتا رہا۔ عوام سے لے کر میری والدہ تک اور یہاں تک کے میری سالگرہ کارڈ پر بھی مجھے پیارے جوش کہہ کر پکارا جاتا۔

وائٹ بال کرکٹ کپتان نے کہا کہ مجھے برطانوی حکومت کی جانب سے ایم بی ای میڈل ملا اس پر بھی جوش بٹلر ہی لکھا ہوا تھا۔

انہوں ںے کہا کہ 13 سال تک ملک کی نمائندگی کرنے اور 2 ورلڈ کپ جیتنے کے بعد وقت اب آگیا ہے کہ میں اس مسئلے کو حل کر دوں اور اب یہ مسئلہ میں سب کے لیے حل کر رہا ہوں۔ اب آفیشل طور پر میرا نام جوش بٹلر ہے۔

واضح رہے کہ 33 سالہ جوش بٹلر انگلینڈ کی جانب سے اب تک 57 ٹیسٹ، 181 ون ڈے اور 114 ٹی20 میچز کھیل چکے ہیں، وہ 2019 کا آئی سی سی کرکٹ ورلڈ کپ جیتنے والی انگلش ٹیم کا حصہ تھے اور انگلینڈ نے 2022 میں اُن کی کپتانی میں ٹی 20 ورلڈ کپ جیتا۔

Related posts

کانگو میں کشتی ڈوب گئی ، 86 افراد ہلاک

Mobeera Fatima

پاک نیوزی لینڈ چوتھا ٹی ٹوئنٹی، یتیم بچے پی سی بی کے مہمانِ خاص ہونگے

Mobeera Fatima

81 وفاقی انٹرپرائزز، ڈویژن کی نجکاری کا حتمی پلان وزیراعظم کو پیش

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy