Daily Systematic Metro EPaper News National and International Political Sports Religion
اہم خبریںپاکستان

کراچی کے حالات بہتر، لوگ خوشحال زندگی گزار رہے ہیں، وزیر داخلہ سندھ

کراچی: وزیر داخلہ سندھ ضیا الحسن لنجار نے دعویٰ کیا ہے کہ کراچی کے لوگ خوشحال زندگی گزار رہے ہیں اور شہر کے حالات بہتر ہیں۔

وزیر داخلہ سندھ ضیا الحسن لنجار نے میڈیا سے گفتگو کرتے ہوئے کہا کہ متحدہ قومی موومنٹ (ایم کیو ایم) کی لیڈر شپ سینئر سیاستدان ہیں اور ان لوگوں کو عزت کی نگاہ سے دیکھتے ہیں۔ ایم کیو ایم دور کے کرائم ریٹ اور آج کے کرائم میں واضح فرق نظر آئے گا۔

انہوں نے کہا کہ ایم کیو ایم کے رہنما سستی شہرت کے لیے ایسے بیان دے رہے ہیں کیونکہ فوج کو جنگی حالات میں بلایا جاتا ہے اور جب بھی ملک کو فوج کی ضرورت ہو گی فوج حاضر ہو گی۔

ضیا الحسن لنجار نے کہا کہ کراچی سے کشمور تک امن قائم کرنا ہماری ذمہ داری ہے اور امن وامان کی خراب صورتحال پر قابو پالیں گے۔ کراچی میں امن وامان قائم کرنے کے لیے پولیس کی بے شمار قربانیاں ہیں۔

انہوں نے کہا کہ پولیس کراچی میں امن وامان کے لیے کوشش کر رہی ہے اور ذمہ داری ادا نہ کرنے والے پولیس افسران کے خلاف کارروائی کی جاتی ہے۔ آئی جی سندھ گھوٹکی میں موجود ہیں اور انہیں کشمور اور گھوٹکی میں میٹنگ کی ہدایت دی ہے۔

وزیر داخلہ سندھ نے کہا کہ کچے کے ڈاکوؤں کو پیغام دینا چاہتا ہوں کہ حکومت آپ کو ایک موقع دے گی۔ ڈاکو سرینڈر کریں ورنہ آپ کے خلاف سخت کارروائی ہونے جا رہی ہے۔

Related posts

نائب وزیراعظم نے معاشی معاملات دیکھے تو اختلافات جنم لینگے، شاہد خاقان

Mobeera Fatima

پاکستان ہاکی ٹیم ہاری نہیں، جیتی ہے، کارکردگی سے بہت متاثر ہوا ہوں، وزیراعظم

Mobeera Fatima

لاپتہ افراد کیس، جس دن وزیراعظم نے بیان دیا، بندہ اٹھالیا گیا، ایجنسیوں میں کوئی جوابدہ ہے؟ جسٹس محسن اختر

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy