Daily Systematic Metro EPaper News National and International Political Sports Religion
اہم خبریںکھیل

قومی ٹیم کیلئے غیر ملکی کوچز لانے کے بعد انٹرنیشنل کیوریٹر کی تقرری کا فیصلہ

پاکستان کرکٹ بورڈ (پی سی بی) نے غیر ملکی کوچز کے بعد غیر ملکی کیوریٹر کو بھی پاکستان بلانے کا فیصلہ کرلیا۔

چیئرمین پی سی بی محسن نقوی کی جانب سے جہاں مینز اور ویمنز کرکٹ ٹیم کے لیے غیر ملکی کوچز لانے کے لیے کوششیں کی گئیں وہیں اب غیر ملکی کیوریٹر کی تقرری کا بھی فیصلہ کیا گیا ہے۔

ذرائع کا کہنا ہے کہ پاکستان میں موجود پچز اور گراؤنڈز کے معیار کو بہتر بنانے کے لیے غیر ملکی ایکسپرٹ کو پاکستان لایا جائے گا۔ اس حوالے سے انٹرنیشنل پچز  ایکسپرٹ کے ساتھ جلد معاہدہ طے پائے جانے کا امکان ہے۔

ذرائع کے مطابق یہ فیصلہ چیئرمین پی سی بی کی خصوصی دلچسپی کے باعث لیا گیا ہے جس کے تحت پی سی بی غیر ملکی کیوریٹر کی خدمات حاصل کرے گا۔ چیمپئنز ٹرافی 2025 سے قبل کیوریٹر پچز کے بہتر معیار کو یقینی بنائے گا۔

انٹرنیشنل کیوریٹر پچز کے معیار بہتر کرنے کے ساتھ ساتھ مقامی کیوریٹرز کو بھی ٹریننگ دے گا۔

خیال رہے کہ مینز کرکٹ ٹیم کے لیے چیئرمین پی سی بی پہلے ہی دو غیر ملکی کوچز کا اعلان کرچکے ہیں جبکہ ویمنز کرکٹ ٹیم کے لیے بھی غیر ملکی کوچ کی تلاش جاری ہے۔

Related posts

حیدر آباد میں ریلوے ٹریک پر کریکر دھماکا ، ٹرینوں کی آمد و رفت معطل

Mobeera Fatima

عمران خان سے ملاقات کیلئے ایس او پیز طے ، 3 فوکل پرسن مقرر

Mobeera Fatima

عیدالاضحی کی تعطیلات 17 سے 19 جون تک ہوں گی، وزیراعظم نے منظوری دے دی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy