Daily Systematic Metro EPaper News National and International Political Sports Religion
اہم خبریںپاکستان

پیٹرولیم مصنوعات کی قیمتیں بڑھانے کا اقدام لاہور ہائیکورٹ میں چیلنج

دنیا میں پیٹرولیم مصنوعات کی قیمتیں کم ہوئیں مگر پاکستان میں بڑھ گئیں، پیٹرول کی قیمتیں بڑھانے کا اقدام عدالت میں چیلنج کر دیا گیا۔

پیٹرولیم مصنوعات کی قیمتیں بڑھانے کا اقدام لاہور ہائیکورٹ میں چیلنج کر دیا گیا، جوڈیشل ایکٹوزم پینل کی طرف سے ایڈووکیٹ اظہر صدیق نے درخواست دائر کی۔

دائر کی گئی درخواست میں موقف اختیار کیا گیا کہ بین الاقوامی مارکیٹمیں پیٹرولیم مصنوعات کی قیمتیں کم ہوئی ہیں مگر پاکستان میں بڑھ گئی ہیں۔

درخواست میں کہا گیا کہ پیٹرولیم مصنوعات کی قیمتوں میں عید سے قبل اضافے سے مہنگائی کا طوفان آئے گا۔درخواست میں عدالت سے استدعا کی گئی کہ پیٹرولیم مصنوعات کی قیمتوں میں اضافے پر عملدرآمد روکا جائے۔

پیٹرولیم مصنوعات کی قیمتوں میں حالیہ اضافے کے خلاف ایک متفرق درخواست شہری منیر احمد نے دائر کی، انہوں درخواست میں وفاقی حکومت، وفاقی وزارت پیٹرولیم اور اوگرا کو فریق بنایا۔

درخواست میں موقف اختیار کیا گیا کہ وفاقی حکومت کو عوامی مشکلات میں اضافے کا کوئی استحقاق حاصل نہیں ہے۔ پیٹرولیم مصنوعات کی قیمتوں میں بلاجواز اضافہ عوامی حقوق کو ختم کرنے کے مترادف ہے۔ عدالت سے اضافہ کالعدم قرار دینے کی استدعا کی گئی۔

Related posts

ایس آئی ایف سی کی بڑی کامیابی، یورپی کمپنیوں کی پاکستان میں سرمایہ کاری کیلئے دلچسپی کا اظہار

Mobeera Fatima

آٹے، تیل اور گھی کی قیمت میں نمایاں کمی

Mobeera Fatima

انہیں ملک کا کوئی خیال نہیں، قومی ٹیم کی کارکردگی پر باسط علی آبدیدہ

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy