Daily Systematic Metro EPaper News National and International Political Sports Religion
اہم خبریںپاکستان

کراچی میں چکی کے آٹے کی فی کلو قیمت 98 روپے مقرر

شہر قائد کراچی میں اڑھائی نمبر آٹے( چکی آٹے) کی ریٹیل سرکار ی قیمت 30 روپے کی کمی سے 98 روپے فی کلو مقرر کر دی گئی ہے۔

چیئرمین فلور ملز ایسوسی ایشن چوہدری عامر کا کہنا ہے کہ ہم تو کئی روز پہلے سے قیمت میں کمی کر چکے ہیں ،فائن آٹے کی قیمت بھی 20 سے 25 روپے کلو کم ہو چکی ہے۔

دوسری جانب آٹے کی قیمت میں نمایاں کمی کے باوجود کراچی میں روٹی کی قیمت کم نہیں کی گئی،شہر میں روٹی 20،25 اور 30روپے میں فروخت ہو رہی ہے ۔

فلور ملز مالکان کا کہنا ہے کہ تندور مالکان براہ راست مل مالکان سے آٹا خریدتے ہیں اس طرح انھیں فی کلو آٹا ریٹیل سے بھی 10روپے کم نرخ پر ملتا ہے ۔

واضح رہے کہ فلور ملز کی جانب سےآٹے کی ایکس فلور مل قیمت 91سے 92روپے فی کلو ہے اور نقد ادائیگی پر اس کا نرخ مزید 2روپے تک کم ہو جاتا ہے۔

علاوہ ازیں ہم نیوز کے پروگرام ’’پاکستان ٹونائٹ‘‘ میں گفتگو کرتے ہوئے سابق نگران وزیر اعظم انوار الحق کاکڑ نے کہا، کہ کہا جا رہا ہے ہمارے دور میں گندم امپورٹ ہوئی جس سے بحرانی کیفیت پیدا ہوئی۔دوسرا چارج یہ آرہا ہے کہ ہم نے کرپشن کی اس وجہ سے گندم امپورٹ کی۔

انوارالحق کاکڑ نے کہا کہ پاکستان میں امپورٹ بل آرڈر پی ٹی آئی کی حکومت کا ہے ،ہم نے کوئی نیا ایس آر او جاری نہیں کیا،ہم ایس آر او کے تحت تسلسل سے یہ کام کررہے تھے۔

جوڈیٹا جمع ہواوہ پی ڈی ایم حکومت کے آخری دنوں میں ہوا،پی ڈی ایم حکومت نے فیصلہ ہم پر چھوڑ دیا،ہم نے صرف یہ فیصلہ کیا کہ پاکستانی حکومت ریاست کاپیسہ استعمال نہیں کرے گی۔

ہم نے فیصلہ دیا کہ ہم خریداری نہیں کریں گے پرائیوٹ سیکٹر کو کرنے دیں،ہم نے گندم امپورٹ کرنے کی پرائیوٹ سیکٹر کو خصوصی اجازت نہیں دی ،جو ایس آر او تھا اس کے تحت پرائیوٹ سیکٹر خود امپورٹ کر سکتے تھے۔

گندم کے حوالے سے مس مینجمنٹ کے مسائل تھے،ہم نے پاکستان کی سرکار کا پیسہ بچایا،ہم نے جو فیصلہ کیا اس میں 2.4ملین ٹن کے گیپ کوسنبھالنا تھا،جو اضافی گندم کا واویلا ہے وہ صرف3،ساڑھے تین ٹن ہے،3،ساڑھے 3ٹن گندم صرف تین روز کی کھپت کیلئے ہے۔

انہوں نے مزید کہا کہ 3پارٹیاں ایسی ہیں 50،60فیصد امپورٹ ان کے حصہ میں آئی، سب کے سب نے ہمیں چور ڈکلیئر کیا،اگر کسی نے طلب کیا تو ہم ضرور معاونت کریں گے۔

Related posts

خیبرپختونخوا بجٹ میں 288 نئے منصوبے شامل ہیں، مشیرِ خزانہ کے پی

Mobeera Fatima

سونا فی تولہ 1800 روپے مہنگا ، فی تولہ قیمت 2 لاکھ ، 38 ہزار 900 ہو گئی

Mobeera Fatima

شہباز شریف کی بھارتی وزیراعظم کا حلف اٹھانے پر مودی کو مبارکباد

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy