Daily Systematic Metro EPaper News National and International Political Sports Religion
اہم خبریںپاکستان

سپریم کورٹ بار ایسوسی ایشن نے ملک بھر کی عدالتوں میں ہڑتال کی کال دیدی

سپریم کورٹ بار ایسوسی ایشن اور پاکستان بار کونسل نے عدالتوں میں ہڑتال اور ملک گیر احتجاج کی کال دے دی۔

بار ایسوسی ایشن کے مطابق کل 9 مئی کو عدالتی کارروائی کا مکمل بائیکاٹ کیا جائے گا، ہائیکورٹ کے باہر وکلاء پر بدترین تشدد اور گرفتاریاں کی گئیں، جبکہ وکلاء کیخلاف سنگین دفعات کے تحت مسلسل مقدمات کا اندارج بھی کیا جا رہا ہے۔

دوسری جانب لاہور میں وکلاکیساتھ پیش آنے والے واقعہ پر پاکستان بار کونسل کی جانب سے بھی اعلامیہ جاری کرتے ہوئے کہا گیا کہ لاہور میں پر امن وکلا کے احتجاج پر پولیس کی جانب سے شیلنگ اور لاٹھی چارج کیا گیا۔ وکلا کیساتھ بدترین تشدد کیخلاف کل 9 مئی کو ملک گیر ہڑتال کریں گے۔

اعلامیہ کے مطابق پولیس شیلنگ اور لاٹھی چارج سے متعدد وکلا زخمی ہوئے ہیں۔

خیال رہے کہ وکلا کی جانب سے سول عدالتوں کی منتقلی اوردہشت گردی کے مقدمات کے خلاف وکلا نے ایوان عدل سے لاہور ہائیکورٹ تک احتجاجی ریلی نکالی گئی احتجاجی مظاہرین جی پی او چوک پہنچے تو پولیس نے وکلاء کو ہائیکورٹ میں داخلے سے روکنے کی کوشش کی۔

وکلا کے احتجاج کے دوران پولیس کی بھاری نفری پہنچ گئی، پولیس نے وکلا پر بدترین لاٹھی چارج کیا اور انہیں منتشر کرنے کے لئے آنسو گیس کی شیلنگ کی گئی۔

پولیس کی جانب سے وکلاء کو منتشر کرنے کے لئے واٹر کینن کا استعمال بھی کیا گیا، پولیس نے جی پی او چوک کا کنٹرول سنبھال کر مظاہرین کو وہاں سے منتشر کر دیا۔

پولیس نے مظاہرے میں شریک وکلا کو گرفتار بھی کیا، وکلا نے جی پی او چوک اور ہائیکورٹ کے باہر لگے بیریئرز کو ہٹا دیا، وکلا کی جانب سے پولیس پر پتھراؤ بھی کیا گیا جس کے نتیجے میں ایس پی ماڈل ٹاؤن زخمی ہوئے۔

Related posts

خیبرپختونخوا میں بلین ٹری سونامی پلس شروع کرنے کا فیصلہ

Mobeera Fatima

پاکستان نیوزی لینڈ ٹی ٹوئنٹی میچز بارشوں سے متاثر ہونے کا خدشہ

Mobeera Fatima

13 کروڑ عوام کو جوابدہ ہوں، مریم نواز

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy