Daily Systematic Metro EPaper News National and International Political Sports Religion
اہم خبریںکھیل

بھارت کے آنے کی بات قبل از وقت، باہر سے ٹیمیں پاکستان آئیں گی، چیئرمین پی سی بی

چیئرمین پاکستان کرکٹ بورڈ (پی سی بی) محسن نقوی نے کہا ہے کہ قومی ٹیم کا آئندہ سیزن بہت مصروف ہے، چیمپئنز ٹرافی سے پہلے پاکستان میں سہ فریقی سیریز بھی شیڈولڈ ہے۔

بیورو رپورٹ(عمران سہیل)

پی سی بی کے سربراہ نے اپنے ایک بیان میں قومی ٹیم کی آئندہ سیزن شیڈولڈ سیریز کے حوالے سے بتایا۔ انہوں نے کہا کہ قومی ٹیم  پہلے آئرلینڈ، انگلینڈ پھر ورلڈ کپ، بنگلہ دیش، انگلینڈ اور آسٹریلیا سمیت جنوبی افریقا کے خلاف بھی سیریز کھیلے گی۔

محسن نقوی کا کہنا تھا کہ چیمپئنز ٹرافی پاکستان میں ہی ہوگی، بھارتی ٹیم کے پاکستان آنے یا نہ آنے کی بات ابھی قبل از وقت ہے تاہم پاکستان میں باہر سے بھی ٹیمیں آئیں گی۔ چیمپئنز ٹرافی اور سہ فریقی سیریز کیلئے ٹیمیں پاکستان آئیں گی۔

انہوں نے کہا کہ قومی ٹیم کے لیے غیر ملکی کوچز کا فیصلہ 15 اپریل تک ہو جائے گا۔ کوچز کے لیے اشتہار دیا ہوا ہے، 15 اپریل تک انٹرویوز کر کے ان کے ناموں کو فائنل کرلیا جائے گا اس کے ایک دو روز بعد اعلان بھی کر دیں گے۔

چیئرمین پی سی بی نے مزید کہا کہ عثمان خان پاکستان کی قومی ٹیم میں کھیلنے کیلئے اہل ہیں اور وہ کھیلیں گے، عثمان خان سلیکشن کا معاملہ زیر غور ہے۔

Related posts

چینی شہریوں کا تحفظ اولین ذمہ داری ہے، محسن نقوی

Mobeera Fatima

مرغی کا گوشت مزید سستا، 416 روپے کلو ہو گیا، سبزیوں اور پھلوں کے نئے ریٹ بھی مقرر

Mobeera Fatima

ترک حکومت نے بیزینٹائن چرچ آف سینٹ سیویئر اِن کورا کو مسجد میں تبدیل کردیا

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy