Daily Systematic Metro EPaper News National and International Political Sports Religion
اہم خبریںکھیل

شاہین شاہ آفریدی کی سڑک کنارے نماز پڑھتے ویڈیو وائرل

پاکستان کرکٹ ٹیم کے سابق کپتان شاہین شاہ آفریدی کی موٹروے پر سڑک کنارے نماز پڑھتے ویڈیو سامنے آگئی۔

سماجی رابطے کی ویب سائٹ ایکس پر قومی فاسٹ باؤلر شاہین آفریدی کی سڑک کنارے نماز پڑھنے کی ویڈیو وائرل ہوئی۔ ویڈیو میں انہیں اپنی گاڑی کے پاس کھڑے نماز پڑھتے دیکھا جاسکتا ہے۔

 

شاہین آفریدی کی اس وائرل ویڈیو پر ایکس صارفین کی طرف سے ملا جلا ردِ عمل دیکھنے کو مل رہا ہے۔ کچھ صارفین شاہین کی نماز پڑھتے ویڈیو بننے کے عمل کی تعریف جبکہ کچھ تنقید کرتے نظر آرہے ہیں۔

ایک صارف نے ویڈیو پر ردِ عمل دیتے ہوئے لکھا کہ ‘بے شک نماز کامیابی کی کُنجی ہے’۔ ایک اور صارف نے شاہین کے اس عمل کی تعریف کرتے ہوئے لکھا کہ ‘یہ بھی اچھی بات ہے، اللہ شاہین کو آباد رکھے۔’

 

دوسری طرف کچھ صارفین نے شاہین کی اس ویڈیو کو غیر ضروری سمجھتے ہوئے تنقید بھی کی۔ ایک صارف نے لکھا کہ ‘اس علاقے میں مسجد بھی موجود ہے، شاید یہ کام دکھاوے کے لیے کیا گیا ہے۔’

 

ایک اور صارف نے لکھا کہ ‘موٹروے پر تمام قیام و طعام پر مساجد موجود ہیں، وہاں اندر بھی نماز ادا کرسکتے تھے۔’

 

 

Related posts

کینیڈا کیخلاف میچ، شاہد آفریدی نے 2 تبدیلیوں کی تجویز دے دی

Mobeera Fatima

ملک بھر میں مرغی کے نرخوں میں اضافہ

Mobeera Fatima

ریال میڈرڈ اٹھارہویں مرتبہ چیمپئنز لیگ کے فائنل میں پہنچ گئی

Mobeera Fatima

Leave a Comment

This website uses cookies to improve your experience. We'll assume you're ok with this, but you can opt-out if you wish. قبول کریں۔ مزید پڑھیں

Privacy & Cookies Policy